အမည္ေတြမ်ားတဲ့အေၾကာင္း

ပန္းခ်ီထိန္လင္း

ကင္းေျခမ်ားေတြက ေျခမ်ားမွမ်ားေစေတာ့ သူကကင္းေျခမ်ား။

အမည္မ်ားသူမ်ားမွာကား အမည္ေတြအမ်ားႀကီးနဲ႔ ကားယားကားယား
တြားသြားေနရသလုိ၊ တြားသြားေနရသလုိ၊ တြားသြားေနရလုိ႔။

ဟုိေကြ႔ဟုိတက္နဲ႔၊ ဒီေကြ႔ဒီတက္နဲ႔
ေကြ႔ေတြမ်ားသေလာက္၊ တက္ေတြလည္းမ်ားသေလာက္ေလာက္
နာမည္ေတြလည္း မွဳိလုိေပါက္၊ ေျမြလုိေပါက္၊ ရြာ႐ုိးကုိးေပါက္။

အိမ္မွာေနေတာ့တခု၊ ဧည့္စာရင္းတုိင္ေတာ့တခု
မဂၢဇင္းစာမ်က္ႏွာမွာတခု၊ အင္တာနက္စာမ်က္ႏွာမွာတခု၊
ဒီေလာက္မ်ားတဲ့အထဲကေနမွ တကယ္ေခၚရေတာ့
ဧည့္သည္ႀကီးတဲ့၊ အုပ္ႀကီးတဲ့၊ ကတုံးႀကီးတဲ့၊ သေျပၫိဳႀကီးတဲ့၊
ေစာင့္ရတယ္၊ မီးေစာင့္ရသလုိ၊ ေရေစာင့္ရသလုိ
ဖုတ္သြင္းရထားေစာင့္သလုိေစာင့္ေနတာ ဘာကုိပါလိမ့္၊
ေစာင့္ေနတာကုိပါ ေစာင့္ေနရတာ
လွသန္းကုိ လွသန္းလုိ႔ေခၚခြင့္ရဖုိ႔
ဘဂ်မ္းကုိ ဘဂ်မ္းလုိ႔ေခၚခြင့္ရဖုိ႔
ေစာင့္၊ ေစာင့္၊ ေစာင့္ရင္းေစာင့္ရင္း၊
ေရေပၚမွာ ကုိယ့္အမည္ကုိယ္
ေရးၾကည့္ေနမိတယ္
ေရၾကည့္ေနမိတယ္။ ။

အရိုးစု

ကျနော့်အရိုးတွေကို ကျနော်ကျေးဇူးတင်တယ်

သူတို့ကအခုထိ ကျနော့်အပေါ်ကောင်းတုန်းပဲ

ကျနော့်ခါးက အခုထိမတ်တုန်းပဲ

ကျနော့်ခြေထောက်တွေက အခုထိအမြင့်ကိုတက်တုန်းပဲ

ကျနော့်လက်ဖျံတွေက အခုထိမြန်ဆန်သွက်လက်တုန်းပဲ

ကျနော့်စိတ်သွားရာနောက်ကို သူကလိုက်တုန်းပဲ။

ကျနော့်အရိုးတွေက ဘယ်တုန်းကမှ မပျော့ခဲ့ဘူး

ခုလည်း မပျော့သေးဘူး

ကျနော်သတိလက်လွတ်ဖြစ်လို့

ကျနော်ကံမကောင်းလို့

ကျိုးတုန်းကကျိုးခဲ့ဘူး

ပြီးတော့ပြန်ကောင်းတာပဲ။

နှစ်ပေါင်းရာထောင် အရိုးတွေ ပြန်တူးဖော်တော့

အရိုးတွေက လူတယောက်ရဲ့ပုံပန်းကိုပြောပြသတဲ့

အရိုးတွေက လူတယောက်ရဲ့ဘဝကိုပြောပြသတဲ့

သူတို့သန်မာခဲ့တာ

သူတို့ချည့်နဲ့ခဲ့တာ

သူုတို့ပျော်ရွှင်ခဲ့တာ

သူတို့ကြေကွဲခဲ့တာ

သူတို့ငြိမ်းချမ်းခဲ့တာ

သူတို့တိုက်ပွဲဝင်ခဲ့တာ...

အရိုးတွေက မလိမ်ဘူး။

အရိုးသားဆုံးနှလုံးသားများ၏အစုအဝေးကို

အရိုးစုဟုခေါ်ပါသည် (နွေလယ်နေ)

အရိုးစု ဆိုတဲ့ကဗျာစာအုပ်ကလေး

တခါကကျနော်တို့တည်ဆောက်ခဲ့ဘူးတယ်

နံရိုးတူသူချင်း။

မေးစေ့နှစ်ထပ်နဲ့ မေးရိုးမရှိတဲ့ကောင်

အဆီတထပ်အသားတထပ်နဲ့ ကျောရိုးမပါတဲ့ကောင်

အဲဒီကောင်ကို ကျနော်မုန်းတယ်

လေးတွဲ့ထိုင်းမှိုင်းစွာရပ်လို့

ကျနော့်ရှေ့ကမှန်ထဲမှာ..

သူ့အရိုးတွေကနေ သူထွက်ပြေးနေတဲ့ကောင်။

အရိုးအရင်း

အသားလိုလို့အရိုးတောင်း

အရိုးပေါ်အရေတင်

အရိုးကွဲမှအသဲစွဲ

အရိုးထိအောင်နာ

ဘာပဲဖြစ်ဖြစ်

အောက်ဆုံးကအရိုးတွေကိုတော့

မမေ့ကြပါနဲ့။

ကမ္ဘောဒီးယားကအရိုးတွေ

ရဝမ်ဒါကအရိုးတွေ

ဘောစနီးယားကအရိုးတွေ

ဟိုနေရာ ဒီနေရာမှာ

မတူးရသေးတဲ့အရိုးတွေ

လူမသိသူမသိအရိုးတွေ..။

ကိုယ့်ခြေထောက်အောက်ကိုယ်ပြန်ငုံ့ကြည့်လိုက်တယ်

ကျနော်ဘယ်သူ့အရိုးပေါ်ရပ်နေမိသလဲလို့။

မင်းဟာငါ့ရဲ့နံရိုးတချောင်းပါပဲကွယ်လို့

ဘယ်သူ့ကိုမှမပြောဖြစ်ခဲ့ဘူး

ကျနော့်အရိုးတွေကို ကျနော်ချစ်တယ်။ ။

ပင်လယ်ဓါးပြ

အဆုံးမရှိတဲ့ပင်လယ်မှာ

သားကောင်နောက်ကိုလိုက်သူ

အပြောကျယ်တဲ့ပင်လယ်မှာ

ရတနာကျွန်းကိုရှာသူ

မြေပုံထဲမှာမပါတဲ့ကျွန်းကလေးတွေမှာ

တခါတလေပုန်းခိုတတ်သူ။

စိတ်ကြိုက်ကမ်းခြေတခုမှာ

တနေ့ကျရင်မြို့ကြီးတမြို့တည်အုန်းမတဲ့၊

ကမ္ဘာကြီးကိုလုယက်ဖို့ဆိုတာ

သိန်းငှက်တကောင်နဲ့

သစ်သားခြေထောက်တဖက်ပဲလိုသတဲ့။

ကောင်မလေးရေ

နောက်ဆုံးကျန်တဲ့မျက်လုံးတဖက်လို

ငါ မင်းကိုချစ်ခဲ့ပါတယ်။ ။