Sunday, January 24, 2021

ကိုလံဘို ရန်ကုန်

မြို့ကြီးက ညှော်နံ့ထွက်နေပြီ
နဖူးပေါ်ကချွေးဟာ နဖူးပေါ်မှာပဲ ခြောက်သွားတယ်။
ရေဆူမှတ် မရောက်ခင်
ငါတို့သွေးတွေ ဆူပွက်တော့မယ်
မြစ်ဆုံကြီး
ခေါင်းပေါ်ကလောင်းချလိုက်ရ ကောင်းမလား
ယပ်ခပ်ပြီးနေရတဲ့လူတွေအဖို့တော့
မီးပျက်ရင် လမ်းပေါ်ထွက်လျှောက်နေလိုက်တာပဲ
ပြန်လည်ထမြောက်ဖို့ ဆုတောင်းပါမှ
ကောင်းကင်ဘုံချက်ချင်းရောက်ကြရတယ်လို့
ညတွင်းကြီး ပေါက်ကျလာတဲ့နွံမှာ ဒီတခေတ်လုံးနစ်ခဲ့ပြီ။

- - - - - - - - -
နှင်းခါးမိုး
၂၆၊ ဧပြီ၊ ၂၀၁၉

Saturday, January 16, 2021

မြို့အဝင်


ကုက္ကိုပင်အကွယ်မှာ မင်းငိုကျန်နေခဲ့မလား
လူကရန်ကုန်ပြန်တဲ့ကားပေါ်မှာ စိတ်ကမင်းဆံနွယ်ဖျားလေးမှာ။
ရေက ဘောင်ပေါ်ကျော်ကျနေတဲ့ စမ်းရေတွင်းလေးဘေးမှာ
နေရောင်က ကမ္ဘာအသစ်လေးပေါ်ဖြာကျလို့
မင်းခြေဖဝါးနုနုမှာ သဲဆပ်ပြာအမြုပ်ကလေးတွေက ခပ်ဖွဖွရယ်နေကြရဲ့။
ညနေခင်းဆို ဘုရားကြီးယင်ပြင်ပေါ်မှာ
လူတွေကမင်းကို သိုက်စောင့်မင်းသမီးလေးလို ငေးကြည့်ကြ
အဲဒီတုန်းက ငါကောက်ပေးတဲ့ခရေပန်းလေးတွေက
မင်းအတွက် ကမ္ဘာပေါ်မှာ အမွှေးပျံ့ဆုံးဖြစ်ခဲ့။
တို့စွန်းစားခန်းဟာ အောင်မြင်ခဲ့ပါတယ်
မင်းစောင့်နေတဲ့ဘူတာရုံကလေးဆီ နေ့ရက်အသစ်တွေငါယူဆောင်လာတယ်
ဘုရားပွဲဈေးတန်းထဲမှာ လူမပါပဲလည်နေတဲ့ ချားရဟတ်လေးကို ငါတို့ကျောခိုင်းထားခဲ့ကြ။
သဲတွေမှာ အလွမ်းဇာတ်မရှိဘူး
ကြီးကျယ်ခမ်းနားလှတဲ့ အတိတ်သမိုင်းတွေကိုတောင်
ရေခဲမုန့်ပေါ်ကဝေဖာချပ်လို တမြုံ့မြုံ့ဝါးခဲ့ကြတာပဲ
မြေပဲခင်းတွေဆီအသွား သဲလမ်းလေးပေါ်မှာ ငါတို့စက်ဘီးကလေး ပစ်လဲသွားတယ် မင်းမျက်နှာလေးငိုမဲ့မဲ့ဖြစ်သွားတော့ ငါ့မှာ ကိုယ့်နားထင်ကိုကိုယ်ပဲ သေနတ်နဲ့တေ့ပစ်ရမလိုလို။
ဟိုးဝေးဝေးတောင်တန်းတွေပေါ်က
ရွှေရောင်ပျပျနဲ့စေတီကလေးဆီမှာ ငါတို့တောင်းခဲ့တဲ့ဆုတွေ ဘာတွေပြည့်ဖို့ကျန်သေးလဲ
ပြန်လာနော်လို့ မင်းဆံညှပ်ကလေးနဲ့ ရေးခဲ့တဲ့စာ
ကုက္ကိုလ်ပင်ကြီးနဲ့အတူ အခုတ်ခံလိုက်ရပြီ
ခြောက်သွားတဲ့စမ်းတွင်းကလေးထဲမှာ သဲတွေကပြိုလို့။
လူကဒီဘဝမှာ
စိတ်က အဖန်ငါးရာငါးကမ္ဘာ။ ။

- - - - - - - -
နှင်းခါးမိုး
၂၂ ဧပြီ ၂၀၁၉

Sunday, December 13, 2020

တစ္ဆေခေါ်သံ

၁။
ရဲရဲတောက်ကြတုန်းကတော့
တခြိမ်းခြိမ်းနဲ့၊
ဂျုံးဂျုံးကျတော့လည်း
ကြူကြူကိုပါလို့။

တော်ပါတော့
နိဗာနတေးတွေ
သံဝေဂလင်္ကာတွေ
တကိုယ်တော်ထွက်ပြေးရေးကဗျာတွေ
ထွက်ပေါက်မဲ့အဘိဓမ္မာတွေ။

၂။
လမ်းဆုံးပြီထင်ရင်လည်း
တိုက်ပေါ်ကခုန်ချလိုက်ကြ
ရေထဲဆင်းသေကြ၊
စိတ်ကျရောဂါကိုတော့
နောက်ဆုံးပေါ်ဖက်ရှင်လိုလို
ပွဲနေပွဲထိုင်မလုပ်ကြနဲ့။

၃။
လူသာလဲတယ်
လက်ကအလံကမလဲဘူး၊
အထကကျောင်းသူလေး
ညညတံခါးလာလာခေါက်တယ်။ ။

- - - - - - - - - 
နှင်းခါးမိုး
(၈-၅-၀၇)
ခေတ်ပြိုင်...မှ

Wednesday, December 9, 2020

နှစ်ဆန်း ၁ ရက်


မိုးမရွာဘူး
ပိတောက်မပွင့်ဘူး
ဘယ်သူ့ကိုမှ အပျော်တွေမလောင်းခဲ့ရဘူး
သင်္ကြန်အိုးမှာ ပရိတ်ကြိုးကိုချည်ခဲ့တယ်
ထီးရိုးကို သူခိုးလစ်ခဲ့သလို
မင်းဆိုးကို မိုးကြိုးပစ်ပါစေ။

- - - - - -
နှင်းခါးမိုး
၁၇၊ ဧပြီ၊ ၂၀၁၉

Thursday, October 15, 2020

မီးညှိခြင်း


လက်ချောင်းကလေးတွေက တုန်ယင်နေတယ်
နှုတ်ခမ်းဖျားကလေးက တုန်ယင်နေတယ်
စီးကရက်ဟာ ညှိထားတဲ့မီးမှာ တုန်ယင်နေတယ်
ဘဝဟာ ပြာကျမသွားခင် တုန်ယင်နေတယ်။

ချစ်တယ်မီ
ဘလှဝင်းဘယ်သူလဲ သိဖို့မလိုပါဘူးကွယ်။

- - - - - - - - - - - -
နှင်းခါးမိုး
၁၄၊ ဧပြီ၊ ၂၀၁၉