Sunday, October 23, 2011

ဇာတ်လိုက်

နှင်းခါးမိုး

လှသန်းရေ
သေတာတောင်
မင်းနဲ့ ကဒါဖီမတူဘူး၊

မင်းက ရှင်တုန်းက
ကုန်သေတ္တာထဲ နေခဲ့ရဘူးတယ်
ဒီတုန်းက ကဒါဖီက သူ့နန်းတော်ထဲမှာ၊

အခု ကဒါဖီက ကုန်သေတ္တာထဲပိုးစိုးပက်စက်
မင်းကတော့ ချစ်ကြသူတွေရဲ့ အလွမ်းပန်းတောထဲမှာ။

ကဒါဖီမှာ ရွှေသေနတ်တလက်ရှိတယ်
ဒါပေမယ့် သူ့သေနတ်က သူ့ကိုမကယ်နိုင်ခဲ့ဘူး၊
မင်းမှာတော့ ကဗျာကလောင်တလက်ရှိတယ်
သေတာတောင် မင်းကို ရှင်နေစေအုန်းမယ်။

အာဏာရှင်နဲ့ ကဗျာဆရာ
ဒီပြဇာတ် ဒီမှာပြီး၏။ ။

Tuesday, June 28, 2011

အွန်လိုင်းကဗျာ

အွန်လိုင်းကဗျာ

ကိုယ်ကတော့ ကဗျာကို ဘယ်နေရာမှာမဆို ရေးတာပါပဲ။
နံရံပေါ်မှာလည်း ရေးခဲ့ဖူးတယ်။ ဆေးလိပ်ဖင်ဆီခံပေါ်လည်း ရေးခဲ့ဘူးတယ်။ ကိုယ့်အရေပြားပေါ်မှာလည်း ကိုယ်ရေးခဲ့ဖူးတယ်။
အိမ်မှာနေတော့ အိမ်မြှောင်၊ ကျောင်းမှာနေတော့ ကျောင်းမြှောင်ဖြစ်မသွားပါဘူး။ ကဗျာက ကဗျာပါပဲ။
ဒီတော့ အွန်လိုင်းကဗျာလည်း ကဗျာပဲပေါ့။

Thursday, April 7, 2011

မီးသွေး

နှင်းခါးမိုး
လောင်ကျွမ်းထားပြီးသား
နောက်ထပ်ရဲရဲ တောက်လောင်အုန်းမယ့်
ပုန်းနေတဲ့မီးခဲ
မည်းမည်းသဲသဲပေမယ့်
ပြာတော့မကျသေးဘူးလေ။ ။

Monday, January 3, 2011

စစ်

နှင်းခါးမိုး


တယောက်ကိုတယောက်တည့်တည့်ချိန်ပစ်ကြ
ဘ၀တွေပေးခဲ့ပြီး
ဘာပြန်ရမှန်းမသိလိုက်ဘူး
သေနတ်ခလုတ်ပေါ်မှာ
ငြိမ်းချမ်းမှုကိုရှာသတဲ့
လွတ်မြောက်မှုကိုရှာသတဲ့
အမှန်တရားကိုရှာသတဲ့။

မချိုးရသေးတဲ့ပြောင်းခင်းကြီးတွေကို ထားပစ်ခဲ့ရ
မြေးမလေးရဲ့ဗလာစာအုပ်ထဲမှာ
အရုပ်တွေကို အနီရောင်ခြယ်ထားရဲ့
မြစ်ထဲမှာ
စစ်ပွဲရဲ့ရေစီးသံ။

အပြန်လမ်းက
တဘက်ကမ်းမှာကျန်ခဲ့ပြီ။ ။

၀၃၊ ဇန်န၀ါရီ၊ ၂၀၁၁

Saturday, January 1, 2011

နှစ်သစ်

နှင်းခါးမိုး


မနက်မိုးလင်းတော့
၂၀၁၀ ကအမူးတွေ
၂၀၁၁ ထဲပါလာတယ်၊
တကယ်က
၁၂ နာရီရဲ့ဟိုဘက်မှာ
ဘာမှ မထားပစ်ခဲ့နိုင်ဘူး၊

၁၂ နာရီရဲ့ဒီဘက်မှာလည်း
၁၂ ထပ်တိုက်ပေါ်က ခုန်မချရဲသေးဘူး။

9:15, 1, Jan. 2011
Maesod