အာဏာရှင်တွေရဲ့အပြုံးမှာ လက်ခုပ်သံသိပ်စည်ကားတယ်
အားလုံးက ပြဇာတ်တွေချည်း၊
ခင်ဗျားတို့ရဲ့တရားမျှတမှုက ဘယ်သူ့ပိုက်ဆံအိတ်ထဲမှာလဲ
ငါတို့ရဲ့နားထင်ဟာ ဘယ်သူ့သေနတ်ပြောင်းဝအောက်မှာလဲ၊
စစ်ဖြစ်လို့ ပျက်သွားတဲ့ကမ္ဘာမှာတောင်
လူ့တန်ဘိုးတွေ ရှင်ကျန်ချင်ကျန်ရစ်မယ်
ငြိမ်းချမ်းရေးကို ပိုက်ဆံပေးပြီး ညအိပ်လို့ရတဲ့ခေတ်မှာ
အမှန်တရားဆိုတာ လူကြိုက်များတဲ့ ကွန်ဒုံးပဲ၊
သတင်းတွေဟာ မုဒိန်းကျင့်ခံထားရတဲ့ ကဗျာပဲ
ကဗျာဆရာဟာ မီးလောင်နေတဲ့အမှိုက်ပုံပဲ၊
ဆွေးနွေးပွဲတွေပြီးတဲ့အခါ ဧည့်ခန်းဆောင်ထဲက ပန်းခြင်းတွေကို
အုတ်ဂူတွေပေါ်ပို့ပေးလိုက်ကြပါ။
ငါ အသဲမကွဲဘူးထင်လား။ ။
နှင်းခါးမိုး
