နှင်းခါးမိုး
၁။
ဆေးလိပ်သောက်ခြင်းဟာ
သင့်ကျန်းမာရေးအတွက်
အနှောက်အယှက်တခုဖြစ်တယ်။
ဆေးသိပ္ပံရဲ့စေတနာစကား
လေးစားပါရဲ့၊ ဒါပေမယ့်။
ကျနော်နဲ့ဆေးလိပ်
ရဲဘော်စိတ်နဲ့လက်တွဲ
ဘ၀ထဲမှာ၊ မခွဲသာ။
၂။
ငါးသုံးလုံး မာဘယ်ရို
ကင့် ၀င်စတန်
အဖိုးတန်ဆေးလိပ်
နှုတ်ဖျားမချိတ်နိုင်ခဲ့။
ဒူးယားနဲ့ခပေါင်းတောင်
အကြောင်းသင့်မှ၊ ပေါင်းခွင့်ရခဲ့။
အကုန်အကျသက်သာ
အားရပါးရဖွာရှိုက်
ညိမ်းလိုက် ညှိလိုက်နဲ့
နှုတ်ဖျားကိုက်စို၊ တိုချင်တို
ဆေးပေါ့လိပ်ဆိုတာ
ရိုးရာအံကိုက်၊ ကျနော့်အကြိုက်။
၃။
တခါတခါ
ဘ၀မှာ
စိတ်ကူးရေပြင်
မကြည်လင်တဲ့အခါ၊
စိတ်ကူးတိမ်မျှင်
လွင့်ချင်ရာလွင့်တဲ့အခါ၊
စိတ်ကူးသစ်ရွက်
ညှာခက်ပြုတ်ကြွေ
လေချင်ရာလေတဲ့အခါ၊
အဖော်ဆေးလိပ်၊ နှုတ်ဖျားချိတ်
ဖွဲ့သိပ်ရစ်ဝဲ၊ မီးခိုးထဲ
ပြိုကွဲပျော်ဝင်၊ ကကြိုးဆင်ရင်း
ငြိမ်သက်ခြင်းကို ရှာခဲ့ရ။
၎။
ဆေးလိပ်သောက်ခြင်းဟာ
သင့်ကျန်းမာရေးအတွက်
အနှောက်အယှက်တခုဖြစ်တယ်ဆိုတဲ့
ဆေးသိပံ္ပရဲ့စေတနာစကား
လေးစားပါရဲ့၊ ဒါပေမယ့်။
ဆေးလိပ်မီးခိုးဆိုတာ
စိတ်ကိုချည်တဲ့ကြိုးဖြစ်တယ်။ ။
စံပယ်ဖြူ ၁၉၈၇
No comments:
Post a Comment