Friday, July 26, 2013

ဆောင်းရာသီရဲ့မှန်တံခါးပေါ်မှာ


r-193 by Rolf  Hoff


ဆောင်းရာသီရဲ့မှန်တံခါးပေါ်မှာ စာတကြောင်းကိုငါရေးချလိုက်တော့ ငါ့အာငွေ့ပေါ်မှာ ငါ့လက်ချောင်းကလေးတွေနဲ့ငါရေးချလိုက်တော့ ဒီစာတကြောင်းက အသံစူးစူးလေး တဖြတ်ဖြတ်လွင့်နေတဲ့ဂါဝန်အနားစလေး မရီတတ်မငိုတတ်ပြက်လုံးနဲ့ ဒီစာတကြောင်းက လေရူးနဲ့ခဲလုံးနဲ့သစ်ရွက်ခြောက်နဲ့ ငါရေးချလိုက်တော့ လမ်းကလေးနဲ့ အိပ်ယာဝင်ပုံပြင်ကလေးနဲ့၊

ငါနားအစုံကိုပိတ်ပြီး ဆောင်းရာသီရဲ့မှန်တံခါးပေါ်မှာ စာတကြောင်းကိုချရေးလိုက်တော့ ငါခေါင်းကိုခါယမ်းရင်း မှန်တံခါးပေါ်မှာ စာတကြောင်းကိုချရေးလိုက်တော့ ဘာမှမမြင်ရတဲ့မျက်လုံးတစုံနဲ့ စာတကြောင်းကိုချရေးလိုက်တော့ ဆိုင်ကယ်မောင်းရင်း မြွေတကောင်ကိုဖြတ်ကြိတ်မိတဲ့အခါ လမ်းပေါ်မှာ ပြားချပ်နေတဲ့မြွေအသေလေးတွေတွေ့ရတဲ့အခါ ငါ့အိပ်ခန်းပြတင်းရဲ့မှန်တံခါးပေါ်မှာ မြွေတကောင်လူးလွန့်သွားလာနေတော့ ဆောင်းရာသီအိမ်ခေါင်မိုးတွေပေါ် မီးခိုးလေးတလူလူနဲ့ခေါင်းတိုင်များရဲ့နောက်မှာ ဝင်ရိုးစွန်းအရိပ်ဟာမြွေတကောင်လို စာတကြောင်းလို ဆောင်းရာသီကိုငါချရေးလိုက်တော့၊

ရှုံးခဲ့တဲ့စစ်ပွဲတွေ တိုက်ပေါ်ကခုန်ချခဲ့တဲ့အချစ်တွေ ဘဝမရှိတဲ့သစ်ပင်တွေ ဆောင်းရာသီရဲ့မှန်တံခါးပေါ်မှာ ပျက်နေတဲ့အပူပေးစက်နဲ့ ဆိုဖာခုံဟောင်းပေါ်ကမသိမ်းရသေးတဲ့အိပ်ယာနဲ့ မလျော်ရသေးတဲ့အဝတ်ပုံနဲ့ ဘယ်တုန်းကမှလေတိုးမခံခဲ့ရဘူးတဲ့ဇာခန်းဆီးနဲ့ မှန်တံခါးပေါ်မှာ စာတကြောင်းကို
ဖိနပ်ကနှင်းတွေကိုခါရင်း ဖယောင်းတိုင်တွေကိုမီးညှိရင်း မိုက်ကရိုဝေ့ဖ်ထဲညစာပြင်ဆင်ရင်း တနာရီချင်းတရက်ချင်းတရွေ့ရွေ့ ရေခဲသေတ္တာထဲကဟင်းသီးဟင်းရွက်တွေလို ကိုယ့်ကိုယ်ကိုယ်လတ်ဆတ်နေတုန်းပဲထင်ရင်း ငါမတွေးဘူး ဒါ့ကြောင့်ငါမရှိဘူးလို့ရေရွတ်ရင်း စာတကြောင်းကိုငါချ‌ရေးလိုက်တော့။

Monday, July 22, 2013

ငှက်တကောင်ရဲ့ဆောင်းရာသီ


By Sue Casson

ငါထင်ထားတာလောက်
ဒီဆောင်းက မဆိုးပါဘူး
ငါထင်ထားတာထက်
ဒီဆောင်းက ပိုဆိုးတယ်

ငါ့အိပ်မက်နဲ့
ငါထူလိုက်တဲ့တအိုးတအိမ်ဟာ
တိမ်ပြာသောနေ့လည်းဖြစ်ခဲ့သလို
မုန်တိုင်းကျသောညလည်းဖြစ်ခဲ့တယ်

ပြီးခဲ့တဲ့ဆောင်းဟာ
ရေကန်ထဲမှာအရည်ပျော်သွားတဲ့အခါ
နောက်တဆောင်းမတိုင်ခင်
ဘယ်ရီသီးလေးတွေဟာ ချစ်ရေးဆိုချင်စရာ

မင်းသားလေးရဲ့အပြာရောင်မျက်လုံးတစုံကို
ငတ်ပြတ်နေတဲ့ပြဇာတ်ရေးဆရာလေးနဲ့
အိမ်မပြန်ရဲတဲ့ဆင်းရဲသူမလေးကိုပေးခဲ့ပြီ
နောက်ဆုံးတော့ မြို့လည်ကဖြိုချပစ်ခဲ့တဲ့
နှလုံးလှမင်းသားလေးရဲ့ခြေရင်းမှာ
ပျံလွှားငှက်အသေလေးတကောင် သူတို့တွေ့ရှိခဲ့ကြတယ်

အဲဒီကြမ်းတမ်းတဲ့ဆောင်းက သူ့ကိုသတ်ပစ်ခဲ့တာလား
မမျှတတဲ့လောကကြီးက သူ့ကိုသတ်ပစ်ခဲ့တာလား
ချစ်တဲ့ကျုရိုးပင်လေးဆီ
ဘယ်တော့မှသူမပြန်နိုင်တော့ပါ
မီးလောင်သွားပေမယ့်
နှလုံးသားဟာနှလုံးသားအတိုင်း
သူမရှိတော့ပေမယ့်
သူ့သီချင်းဟာသီချင်းအတိုင်း
ဒါ ဘယ်လိုဆောင်းရာသီမျိုးလဲ
ငှက်တကောင် မရပ်မနားပျံသန်းတယ်။

Ref: The Happy Prince by Oscar Wilde

Saturday, July 20, 2013

သီချင်းဆိုတဲ့ငှက်


Traditional Thai style painting on door of Buddhist temple

©  | Dreamstime.com


သီချင်းထဲမှာငှက်တကောင်ပါရင်
အဲဒီငှက်မှာ တေးတပုဒ်ရှိသတဲ့။
ဘယ်အပင်မှာနား ဘာသီးစားသလဲ
ဘယ်အကိုင်းကူးကူး တကောင်တည်းပဲလား
ဆောင်းဆို ဘယ်မှာခိုသလဲ
နွေရင်ခွင်မှာ ပျော်ရွှင်ပါစေကွယ်။

သစ်ကိုင်းပေါ်မှာ ခုန်ဆွခုန်ဆွ
မြက်ခင်းပေါ်မှာ ခုန်ဆွခုန်ဆွ
လူသွားလမ်းပေါ်မှာ ခုန်ဆွခုန်ဆွ
ပြီးတော့ ငါ့ခုံတန်းလျားပေါ်စွေ့ကနဲ
ပြီးတော့ ငါ့လက်တန်းပေါ်မှာ ခုန်ဆွခုန်ဆွ
ဟိုမှာဒီမှာ ခုန်ဆွခုန်ဆွ
အစာရှာသလား အဖေါ်ရှာလေသလား
မင်းဆိုနေတဲ့တပုဒ်တည်းသောတေးဟာ
အလွမ်းအကြောင်းလား အချစ်အကြောင်းလား
လောကဓံတရားနဲ့ ဆန်းပြားတဲ့ကံကြမ္မာအကြောင်းလား
ပြီးတော့ ငါ့အကြောင်းလား
ပြီးတော့ ငါ့ရှေ့ကဖြတ်လျောက်သွားတဲ့ကောင်မလေးအကြောင်းလား
ငါမော့ကြည့်မိတဲ့တိမ်တွေအကြောင်းလား
 ဟောဟိုအိမ်ခေါင်မိုးပေါ်ကကြောင်တကောင်အကြောင်းလား။

ငှက်တကောင်မှာတေးတပုဒ်ရှိရင်
အဲဒီတေးမှာ သီချင်းတထောင်ပါတယ်
ဆိုလို့မပြီးတော့ဘူး။


Friday, July 19, 2013

အရူးဆိုတဲ့သီချင်း


Boot and flower (pen ink drawing) by Vitogoni

စချင်တဲ့နေရာမှာစပြီး ဆုံးချင်တဲ့နေရာမှာဆုံးမယ်
အော်ချင်တဲ့အခါထအော်
နှစ်ကိုယ်ကြားလေးဖြစ်တဲ့အခါဖြစ်
ဘာပါလိမ့်လို့နားမစွင့်နဲ့ ဘာမှမဟုတ်ဘူး
ဒါပေမယ့် တဘဝလုံးစာ
နှစ်ခါပြန်မဆိုဘူး
နှစ်ယောက်ပြန်မဆိုဘူး
နောက်တနေရာရောက်ရင်နောက်တပုဒ်
နောက်တခါဆိုရင်နောက်တမျိုး
ခေါင်းစဉ်တခြား စာသားတခြား
ပါးစပ်ဆိုင်းနဲ့ ကကြိုးနဲ့
အငိုတွေအရယ်တွေနဲ့
ဒီသီချင်းသာမဆိုရရင်
ဒီအရူးကသေသွားမှာ။  

Monday, February 18, 2013

ေျခေထာက္မရွိတဲ့အေျပးခ်န္ပီယံ၊ ေရႊတံဆိပ္လည္းရခဲ့တယ္ ခ်စ္သူကုိလည္းသတ္ခဲ့တယ္

ႏွင္းခါးမုိး













က်ေနာ္ေျပးတယ္
တအားေျပးတယ္
ေၾကာက္လန္႔တၾကားေျပးတယ္
မရပ္မနားေျပးတယ္
အေ၀းဆုံးေရာက္ေအာင္ေျပးတယ္
ဘယ္သူမွမလုိက္ႏုိင္ေအာင္ေျပးတယ္
အေမာဆုိ႔ၿပီးလဲက်သြားေအာင္ေျပးတယ္
ဘယ္ကုိေျပးတာလဲ မသိဘူး ေျပးတယ္
ဘယ္သူေတြလုိက္ေနလုိ႔လဲ မသိဘူး ေျပးတယ္
ဘာကုိေၾကာက္ၿပီးေျပးသလဲ မသိဘူး ေျပးတယ္
ေျပးႏုိင္ရင္လြတ္မွာတဲ့လား မသိဘူး ေျပးတယ္
ေျပးတာကအေျဖလား မသိဘူး ေျပးတယ္
ရင္မဆုိင္ရဲလို႔ေျပးတာလား မသိဘူး ေျပးတယ္
ဒီလုိပဲေျပးေနေတာ့မွာလား မသိဘူး ေျပးတယ္
ေမးခြန္းေတြလုိက္မမီေအာင္ ေျပးတယ္
ဘယ္သူမွမရွိတဲ့ေနရာကုိ ေျပးတယ္
ဘာသံမွမၾကားႏုိင္ေတာ့ေအာင္ ေျပးတယ္
ေတာေတြကုိျဖတ္ၿပီး ေျပးတယ္
ေတာင္ေတြကုိေက်ာ္ၿပီးေျပးတယ္
ပင္လယ္ကုိကူးၿပီး ေျပးတယ္
တရားဓမၼတုိ႔နဲ႔ေ၀းရာ
ဆုိဆုံးမမွဳတုိ႔နဲ႔ေ၀းရာ
ေအးခ်မ္းေပ်ာ္ရႊင္မွဳတုိ႔နဲ႔ေ၀းရာ
နားလည္ခြင့္လႊတ္မွဳတုိ႔နဲ႔ေ၀းရာ
ခ်စ္ျခင္းေမတၱာနဲ႔ေ၀းရာ
ျဖစ္ႏုိုင္ရင္ တျခားစၾကာ၀ဌာအထိ
ျဖစ္ႏုိင္ရင္ ေနာက္ဘ၀တခုအထိ
ျဖစ္ႏုိင္ရင္ အေငြ႔ပ်ံေပ်ာက္ကြယ္သြားသည္အထိ
စြပ္စြဲျပစ္တင္ၾက
ဆဲေရးရွဳတ္ခ်ၾက
ေလွာင္ေျပာင္ရယ္ေမာၾက
၀ုိင္း၀န္းရုိက္ပုတ္ကန္ေၾကာက္ၾက
ရြံရွာစက္ဆုပ္ၾက
ေရွာင္ရွား၀ုိင္းပယ္ၾက
မွဳန္႔မွဳန္႔ညက္ညက္ေခ်မွဳန္းၾက
လက္ညိဳးေငါက္ေငါက္ထုိးၾက
မ်က္ႏွာကုိတံေထြးနဲ႔ေထြးၾက
လူသူေ၀းရာမွာလႊင့္ပစ္လုိက္ၾက
ယင္တေလာင္းေလာင္း ေလာက္တဖြားဖြား ပုတ္အဲ့နံေစာ္
လင္းတေတြကတရုန္းရုန္း ေတာေခြးေတြကတဆူဆူတအူအူ
ကမၻာႀကီးကုိဘယ္နွစ္ခါ ပတ္ၿပီးေျပးတုန္း
သံသရာႀကီးကုိဘယ္နွစ္ခါ ပတ္ၿပီးေျပးတုန္း
သုံးဆယ့္ႏွစ္ေကာဌာသကုိဘယ္ႏွစ္ခါ ပတ္ၿပီးေျပးတုန္း
စိတ္တခုုယုတ္ကုိးဆယ္ကုိဘယ္ႏွစ္ခါ ပတ္ၿပီးေျပးတုန္း
သုံးဆယ့္တဘုံကုိဘယ္ႏွစ္ခါ ပတ္ၿပီးေျပးတုန္း
အလုံးစုံကုိစီရင္ေတာ္မူသည့္ဘုရားသခင္ကုိဘယ္ႏွစ္ခါ ပတ္ၿပီးေျပးတုန္း
ကံ ကံ၏အက်ဳိးကုိဘယ္ႏွစ္ခါ ပတ္ၿပီးေျပးတုန္း
စိတၱရေလခါကုိဘယ္ႏွစ္ခါ
သိဒၶတၳကုိဘယ္ႏွစ္ခါ
ျပစ္မွဳနဲ႔ျပစ္ဒဏ္ကုိဘယ္ႏွစ္ခါ
တရားခြင္ကုိဘယ္ႏွစ္ခါ
ေလရူးသုန္သုန္ကုိဘယ္ႏွစ္ခါ
ေရပြက္ပမာကုိဘယ္ႏွစ္ခါ
စည္းအျပင္ကလူကုိဘယ္ႏွစ္ခါ
အန္နာကရီနာကုိဘယ္ႏွစ္ခါ
ေမကုိဘယ္ႏွစ္ခါ
ငဘနဲ႔ကုိေဒါင္းကုိဘယ္ႏွစ္ခါ
ရဲေအာ္ေအာင္ဒင္နဲ႔က်ေနာ္ကုိဘယ္ႏွစ္ခါ
အသံအက္သြားတဲ့ေခါင္းေလာင္းေလးကုိဘယ္ႏွစ္ခါ
သစ္ရြက္အေသမ်ားကုိဘယ္ႏွစ္ခါ
မေရမတြက္ႏုိင္ေအာင္ မမွတ္တတ္ေတာ့ေအာင္
ဘာ့ေၾကာင့္ဘာမွန္းမသိေအာင္ ခ်ာခ်ာလည္ေအာင္
ျဖတ္ကာျဖတ္ကာ ပတ္ကာပတ္ကာ
တအားေျပးတယ္
က်ေနာ္ေျပးတယ္
ေျပးလမ္းေတာ့မရွိဘူး


၁၈၊ ေဖေဖၚ၀ါရီ၊ ၂၀၁၃