ပန်းချီဆရာသေလည်း ဒီမီးခိုးပဲ
ကဗျာဆရာသေလည်း ဒီမီးခိုးပဲ၊
မင်းသံဝေဂကြီးက မရိုးလွန်းဘူးလား
ခေါင်းတိုင်ကြီးက ဟားတိုက်ရီတယ်၊
သံဝေဂကလည်းမဆန်းဘူး
သေတာကလည်းမဆန်းဘူး
ငါတို့တဦးကိုတဦးချစ်ခဲ့ကြတာကဆန်းကြယ်
ငါတို့တဦးကိုတဦးလွမ်းခဲ့ကြတာကဆန်းကြယ်၊
ချစ်ခဲ့ကြတာလည်းဒီမီးခိုးပဲ
လွမ်းခဲ့ကြတာလည်းဒီမီးခိုးပဲ
မင်းတို့မီးခိုးကဆန်းကြယ်လွန်းပါတယ်
ခေါင်းတိုင်ကြီးငိုကျန်ခဲ့တယ်။
- - -- - -
နှင်းခါးမိုး
၂၆၊ ဖေဖေါ်ဝါရီ၊ ၂၀၂၀
No comments:
Post a Comment