Sunday, January 18, 2009

မနက်ခင်းဒိုင်ယာလော့


တစုံတယောက်က သင့်ဆီ မနက်ခင်းလေးတခု ပို့လိုက်မည် ဆိုပါစို့။ ဘယ်လောက်ပျော်စရာကောင်းလိုက်မလဲ။

သိမ်းထားမည်။ အဲဒီမနက်ခင်းလေးကို တမြတ်တနိုးသိမ်းဆည်းထားမည်။ ရှင်းသန့်တဲ့မနက်ခင်းလေး။ လန်းဆန်းတဲ့မနက်ခင်းလေ။ အေးမြတဲ့မနက်ခင်းလေး။ မျှော်လင့်ချက်တွေနဲ့ မနက်ခင်းလေး။ အားမာန်တွေနဲ့ မနက်ခင်းလေး။ ဒီမနက်ခင်းလေးမှာ အပြုံးစစပါမည်။ နုပျိုသောအလှပါမည်။ ဖေါ်ရွေနှစ်သိမ့်မှုများပါမည်။ ပြီးတော့ ဒီမနက်ခင်းလေးက ပန်းချီကားတချပ်ဆိုပါစို့။ ကဗျာတပုဒ်လည်းဖြစ်သည်ဆိုပါစို့။ မျဉ်းတွေကို စကားလုံးတွေဖြင့် ဖလှယ်ယူမည်။ အရောင်တွေကို အသံတို့ဖြင့် ဖလှယ်ယူမည်။ နှလုံးသားကိုတော့ နှလုံးသားဖြင့်သာ ဖလှယ်ယူမည်လေ။

ကျနော့်မျက်ခွံတွေက လေးလံကျလာချင်သည်။ ဒီအချိန်ကျမှ ဘယ်အိပ်လို့ဖြစ်ပါတော့မလဲ။ မိုးလင်းပြီလေ။ မီးဖိုခန်းထဲဝင်ကာ ထမင်းကြော်ဖို့စဉ်းစားသည်။ ကော်ဖီကျကျတခွက်သောက်မည်။ သိပ်အိပ်ချင်လာပြီဆိုလျင်တော့ နေလည်စာစားပြီချိန်ကျမှ တရေးလောက်မှေးလိုက်မည်။ ခုတလော အိပ်လို့မပျော်ဘူးဗျာ။ သူငယ်ချင်းဖြစ်သူက ကျနော့်မျက်နှာက်ို တိတ်ဆိတ်စွာဖတ်ရှုနေသည်။ တရေးနိုးရင် လန့်လန့်နိုးတယ်။ ပြီးတော့ ရင်တွေတဒုန်းဒုန်းတုန်ပြီး ပြန်အိပ်လို့မရတော့ဘူး။ ပြောရင်း အသက်ရှုရသည်ပင် မ၀။ သက်ပြင်းရှည်ကြီးတခု အားယူချလိုက်ရသည်။ အဝေးတနေရာကိုငေးရင် တိုးလျဖွမောစွာ စကားဆက်နေမိသည်။ စာရေးစာဖတ်လည်း လုပ်လို့မရဘူးဗျာ၊ စိတ်က တည်လို့မရဘူး။ ကိုယ့်ကိုယ်ကိုယ် ရက်ရက်စက်စက်မောင်းနှင်ခဲ့ဘူးသော နေ့ရက်များကို သတိရသည်။ ဒီတုန်းကတော့ မြင်းရိုင်းတကောင်လို၊ တောနင်းဂျစ်ကားတစီးလို ယုံကြည်မှုအပြည့်ရှိခဲ့သည်မဟုတ်လား။

နေထွက်သည်။ နေ၀င်သည်။ မိုးလင်းသည်။ မိုးချုပ်သည်။ အာရုဏ်လင်းချိန်နှင့် ညနေဆည်းဆာရီများ။ နေ့တနေ့ဆိုသည်ပင် ဘ၀အသေးစားလေးတခုဟု ဆိုရလေမည်လား။ ဘ၀တခုထဲမှာတော့ နေ့ရက်ပေါင်းများစွာကို ဖြတ်သန်းရှင်သန်နေရသည်။ နေ့တလှည့်။ ညတလှည့်။ ငြင်းဆန်လို့မှ မရပဲလေ။

လူတွေအားလုံးအိပ်နေတဲ့အချိန် လမ်းတွေပေါ်မှာ တယောက်တည်းလျှောက်နေရတာ ကျနော်က သဘောကျတယ်။ အာရုဏ်အလင်းရိပ်တခြမ်းကျနေသည့် သူမ၏မျက်နှာတစောင်းကို ငေးမောနေမိသည်။ ကျမကောပဲ။ ဒီစကားသံက ကျနော့်သွေ့ခြောက်မှုတွေကို အိပျောင်းလာစေသည်။ ဒါကြောင့်လည်း ကျမတို့ ခုလို လာဆုံကြတာပေါ့နော်။ ဒီလမ်းတွေရဲ့အဆုံးမှာ လက်ဖက်ရည်ဆိုင်လေးတဆိုင် ရှိနိုင်သည်။ မနက်ခင်းဂိတ်ထိုးဖို့သွားတဲ့ သစ်သားဘက်စကားအိုကြီးတွေ ရံခါဖြတ်မောင်းသွားလေ့ရှိတဲ့ ခုံပုလေးတွေခင်းထားရာ လမ်းဘေးဆိုင်လေးတဆိုင်ပေါ့။ အဲဒီမှာ သူမနှင့်ကျနော် ဘာစကားမှမပြောပဲ ငြိမ်ဆိတ်စွာ ထိုင်နေကြမည်။ သန့်ရှင်းတဲ့လေထုက တဖြည်းဖြည်း အရောင်တွေ၊ အသံတွေ၊ အနံ့တွေနဲ့ ထူသိပ်လာတဲ့အထိပေါ့။ ကျနော်က အဲဒီလို ဘ၀ဆန်တဲ့လေကိုသာ တောင့်တပါတယ်။

ပြတင်းပေါက်တပေါက်ပွင့်လာသည်။ မိန်းမပျိုတဦး ပြတင်းဝမှာပေါ်လာသည်။ ဆံနွယ်ဖွာရရာ၊ မှုံနံ့သာမပြယ့်တပြယ်နှင့်။ နိုးထစလောကကြီးကို နှစ်သက်လိုလားစွာ ကိုယ်လက်ဆန့်ခါရင်း နှုတ်ဆက်နေသည်။ ညလှောင်အိပ်ထဲက လွတ်မြောက်လာသည့် ငှက်ကလေးတကောင်ပမာ။ အိပ်ခန်းကျဉ်းလေးထဲမှာ တံခါးတို့အလုံပိတ်လျက် လူတယောက်အိပ်စက်နေသည်။ မနက်ခင်းက တံခါးခေါက်သော်လည်း သူမနိုး။ သူ့ဘေးမှာ စာအုပ်တအုပ်ကပွင့်လျက်သား။ ရေဒီယိုက တကျီကျီမြည်နေသည်။ ၀ါကျင်ကျင်မီးလုံးလေးက လင်းပွင့်ဆဲ။ မိုးလင်းကာနီးမှ အလဲထိုးခံလိုက်ရသည့် ည၏သားကောင်တဦး။

ညကတညလုံးနှင်းတွေကျတယ်။ ခုမနက်တော့ နေရောင်ကိုမြင်ရတယ်။ အီကွေတာမနက်ခင်းထံ ကျနော်သတင်းပို့လိုက်သည်။ နှင်းထုထဲမှာ ခက်ခက်ခဲခဲလျောက်လာရသည်။ သုညအောက်အအေးဒီဂရီကို ခုတော့ မမှုတော့ပြီ။ မြောက်ဝင်ရိုးစွန်းရဲ့ မနက်ခင်းအောက်မှာ အိမ်တွေကအလုံပိတ်လျက် နှင်းတို့ပြိုပိနေကာ ၀ံပုလွေဂူပေါက်တွေနှင့်တူနေသည်ဟု ခံစားမိသည်။ မြင်ကွင်းကျယ်မှန်တံခါးတခုနောက်ကနေ နေရောင်ကို နှလုံးသားဖြင့် ကျနော်လှမ်းလှုံသည်။ ကြည့်လိုက်စမ်းပါကွယ်။ ကြမ်းတမ်းဆိုးဝါးတဲ့ရာသီရဲ့ မာကျောအေးစက်တဲ့ရေခဲပြင်ပေါ်မှာတောင် နွေးထွေးမှုရဲ့ အလှတရားကို တွေ့နိုင်သေးရဲ့။ နေရောင်လင်းပွင့်လာတဲ့အခါ မင်းပြုဖွယ်ရှိသည်တို့ကို ပြုပါလေ တဲ့။ စာတိုလေးပေမယ့် ရင်ထဲမှာ ကဗျာတောင်ပံခတ်သံတွေ ကြားနေရသည်။ ကျေးဇူးတင်ပါတယ်။ ဆောင်းရာသီ၏ ရှည်လျားသောညတာတို့နှင့်လည်း ခုတော့ ယဉ်ပါးခဲ့ရပြီ မဟုတ်ပါလား။ မှောင်စမ်းပါစေ၊ ကျနော်နေတတ်နေပါပြီ။ ရင့်ကျတ်သွားတာလား၊ ထုံအအေးခဲသွားတာလားလို့ အမေးခံရတော့ တည်ငြိမ်စွာ ကျနော်ပြုံးလိုက်မိသည်။ နေ့နဲ့ညကို သဘာဝရဲ့ အလင်းအမှောင်တွေနဲ့ ကျနော်မခွဲတော့ဘူး။ ကျနော့်ရဲ့အိပ်ချိန် နိုးချိန်တွေနဲ့ပဲ ကျနော်ခွဲတယ်။ ဘယ်လောက်ရှည်တဲ့ညဖြစ်ဖြစ် ကျနော်နိုးထနေသရွေ့တော့ ညလို့မခေါ်နိုင်ဘူးလေ။

ပုံကားချပ်ထားမှာတော့ ပင်လယ်ရေပင်လျှင် ငြိမ်သက်လျက်။ ကောင်းကင်မှာ ဆေးသားမဲမဲတွေ ခဲပျစ်နေဆဲ။ ရွှေအိုရောင်အလင်းစတို့က ဟိုတစဒီတစ ထိုးခွဲဖိတ်အံကျနေတာတွေ့ရသည်။ ဟိုးအဝေးမှ အိပ်မောကျသောကျွန်းတန်းကလေးက မပြောဖြစ်သေးသည့်စကားများစွာကို သိမ်းဆည်းထားသည့်နှယ်။ လရောင်စွန့်ခွာသွားသောသဲသောင်ပြင်ကတော့ လွမ်းစရာပေပဲ။ ဟလို မနက်ခင်းလေး။ ကျနော်တို့ လမ်းတွေလျောက်ခဲ့ကြပြီးပြီ။ ဒီမနက်စာကိုတော့ တယောက်ယောက်ကကျွေးမှဖြစ်မယ်။ ပျော်ရွှင်စွာ ကျနော်တို့ ငြင်းခုန်ကြသည်။ ကဲ ပြီးတော့ကော။ သိဘူးလေ။ အရာရာကို အားလုံးအသစ်ကပြန်စကြမယ်။ ဘာသံမှမကြားတော့။ မနက်ခင်းလေးက တိတ်ဆိတ်နေသည်။ ဒီအချိန်မှာ ညကအကြောင်းတွေ ပြန်မပြောချင်တော့ပါ။

6 comments:

pandora said...

ပုံလေးတစ်ပုံကနေ စကားလုံးတွေ ဖြာထွက်လာတာ ပျော်ရွှင်စရာပေါ့။ ကြည်လင်သော.. လန်းဆန်းသော.. ရှင်းသန့်သော.. အေးမြသော.. မျှော်လင့်ချက်တွေဝေကာ ပြုံးနေသော.. နံနက်ခင်းကလေးများက အေးခဲနေသော ညမှောင်မှောင်ကို မကြာခဏ လှုပ်နိုးနိုင်ပါစေ။

အောင်သာငယ် said...

အသစ်ကပဲ ပြန်စကြရတော့မှာပေါ့... မဟုတ်ဘူးလား...

MANORHARY said...

မနက်ခင်းလေးရဲ့စကားစမြည်သံတွေကိုနားဆင်ရင်း
အိမ်အသစ်လေးကိုလည်းငေးသွားတယ်။

ညိမ်းညို said...

ဆရာ
စိတ်ကူးဆေးစက် ကိုလာဖတ်ပါတယ်။
အဆင်ပြေပါစေခင်ဗျာ

ဆောင်းယွန်းလ said...

နေ့နဲ့ညကို သဘာဝရဲ့ အလင်းအမှောင်တွေနဲ့ ကျနော်မခွဲတော့ဘူး။ ကျနော့်ရဲ့အိပ်ချိန် နိုးချိန်တွေနဲ့ပဲ ကျနော်ခွဲတယ်။ ဘယ်လောက်ရှည်တဲ့ညဖြစ်ဖြစ် ကျနော်နိုးထနေသရွေ့တော့ ညလို့မခေါ်နိုင်ဘူးလေ။
ခံစားချက်တွေနောက်ကိုဆေးစက်ကျနေတာပါလား..
ဒိုင်ယာလော့တွေကောင်းတယ်ဗျာ...

တန်ခူး said...

အိမ်ရှင်မက ကြော်ထားတဲ့ ထမင်းကြော် ပူပူနွေးနွေးလေးကို
မနက်ခင်း အလင်းရောင်ဖြာကျနေတဲ့ အိမ်ရှင်မ အလှကို ငေးရင်း…
နောက်… ချစ်စရာ သားနဲ့ သမီးလေးတို့ ရဲ့ တီတီတာတာ အသံလေးတွေ နားထောင်ရင်း…
ကုန်ဆုံးသွားမယ့် ချစ်စရာ မနက်ခင်းလေးကို ဒီနှစ်သစ်မှာ အမြန်ဆုံးပိုင်ဆိုင်နိုင်ပါစေလို့  ဆုတောင်းပေးလိုက်တယ် ကိုဝေလင်းရေ…
အဲဒါ ချစ်စရာမိသားစု မနက်ခင်းလေးပေ့ါနော်…