မျက်မှန်စိမ်းတလက်၊ ဂျင်းဂျာကင်တထည်နှင့် ဥရောပကော်ဖီတခွက်

ု
(စာတမ်းငယ်)

သွေ့ခြောက်ခြောက် ရိုးတံကိုင်းဖျားတို့၏ စိမ်းနုပုရစ်ဖူးသေးလေးများပြူလှစ်
နေသည်ကပင် နွေဦး၏နိဒါန်းဟု ဆိုနိုင်သည်။ အန်ကျလာသော နေရောင်၏
အနွေးဓာတ်ကို ခိုလှုံရန် အပြင်လောကသို့ ထွက်လာသူများမှာ ဆောင်းကြွင်း
လေပြန်၏ အအေးဓါတ်ကြောင့် ရင်ဘတ်ကြယ်သီးများကိုဆွဲစေ့လိုက်ကြရသည်။
ကော်ဖီဆိုင်လေးများက အပြင်ထုတ်ကာစားပွဲခင်းထားကြသည်။ မိန်းမပျိုလေး
များမှာ စကပ်တိုလေးများဝတ်လာခဲ့ကြသော်လည်း အောက်က အသားကပ်
ခြေအိတ်ရှည်ကြီးများစွပ်လာသည်ကိုတွေ့ရသည်။ နွေရင်ခွင်ကို အတင့်ရဲရဲ
မတိုးဝင်ဝံ့ကြ ရှာသေး။ သူတို့လည်း ပုရစ်ဖူးလေးများလိုပင်။ သူတို့အလှကို
အားရပါးရဖွင့်လှစ်ပြဖို့ စိတ်စောနေကြပုံရသည်။

ကုန်တိုက်ကြီးများ၏ အပြင်မှန်ခန်းထဲမှာတော့ အရုပ်လှလှကလေးများက
နွေဦးဝတ်စုံသစ်များဖြင့် ပျံဝဲနေကြသည်။ မြို့လယ်ရင်ပြင်မှာတော့ လူတို့
စည်ကားလျက်။ မြို့ကို ပတ်ဝိုင်းအုပ်မိုးထားသည့် တောင်များပေါ် လှမ်းကြည့်
လိုက်လျှင်မူ နှင်းဖြူဖြူများ ပျော်ကျလွင့်ပျောက်ပြီးစ တောအုပ် ခြောက် ခြောက်
မှိုင်းမှိုင်းတို့ကို တွေ့ရသည်။
တောင်ထိပ်ရှိ ရှုခင်းသာ စခန်းလေးပေါ်မှာတော့ လူအုပ်ရိပ်ရိပ်ဖြင့် တိုးလှုပ်နေ
သည်။ ခပ်မတ်မတ် တောင်တက်သံလမ်းကလေးအတိုင်း လျှပ်စစ်ရထားလေးက
တရွေ့ရွေ့ တက်လိုက်ဆင်းလိုက်လုပ်ကာ လူတွေကို ကြိုပို့နေသည်။ တောင်လည်
လောက်အထိ ခါးပန်းများပေါ် မေးတင်ဆောက်ထားသည့် အိမ်ဖြူဖြူလေးများက
နေရောင်ထိုးဟပ်ကာ ပန်းချီကားတချပ်ထဲက ဆေးစက်ထင်းထင်းကလေးတွေလို
လှပ၀င်းလက်လို့ နေပြန်သည်။
တောင်ရိပ်ထိုးကျ ထင်ဟပ်နေသည့် မြို့လယ်ရေကန်ဘေးရှိ မြက်ခင်းစိမ်းများ
ပေါ်မှာတော့ မြေကြီးအောက်မှ ရောင်စုံပန်းဖူးကလေးများ တိုးထွက်နေသည်မှာ
ပုတီးစေ့ကလေးများ ပက်ကြဲထားသည့်နှယ်။ မိန်းမတယောက်က ခုံတန်းလျားပေါ်
ထိုင်၍ နေစာလှုံရင်း စာဖတ်နေသည်။ အတွဲတတွဲက ကလေး လက်တွန်းလှည်း
ကလေးကို တွန်းရင်း ဖြေးဖြေးလျောက်ကာ စကားတွေဖောင်ဖွဲ့နေကြသည်။
မီးတိုင်မြင့်မြင့်ကြီးများ တန်းစီစိုက်ထူထားသည့် ကန်ဦးယင်ပြင်မှာတော့ ညနေခင်း
ဂီတစင်မြင့်တခု ပြင်ဆင်နေတာ တွေ့ရသည်၊
နေရောင်ကျသည်နှင့် လျှပ်စစ်ဂီတာကြိုးညှိသံတို့ တုန်ခါထွက်လာကြတော့မည်။
နွေဦးသည် လှပသောမိန်းမပျို တဦးဟု ဆိုပါတော့။ ကျနော်သည် သူမ၏ ဆံနွယ်စ
တို့ကို ယုယုယယ၊ ဖွဖွညင်ညင် ထိုးဆွနမ်းရှိုက်လိုက်မိ၏။

၁၉၈၅ ခုနှစ်ကျော် ၀န်းကျင်ကထင်သည်။ ကျနော် လေးစားချစ်ခင်ရသူတစု၏
အားထုတ်မှုဖြင့် ကဗျာမဂ္ဂဇင်းတစောင် ထွက်ခဲ့သည်။ နံမည်က နွေဦး။
ဆရာဒဂုန်တာရာထံ တာရာမဂ္ဂဇင်းနံမည် အမွေတောင်းခံခဲ့သော်လည်း ဆရာက
တာရာကို တာရာအတိုင်းပင် သမိုင်းထဲမှာ ထားခဲ့ချင် သည်ဟု ဆိုသည်။
သို့ပေမယ့်တာရာမဂ္ဂဇင်းအမှတ် (၁) ၏ အယ်ဒီတာ့အာဘော် ခေါင်းကြီးပိုင်းမှ
နွေဦးဆိုသည့်နံမည်ကိုမူ သုံးခွင့်ပေးလိုက် သည်ဟု ကြားဖူးခဲ့သည်။ ထိုအချိန်က
ကျနော်၏အပြင်းပျဆုံးဆန္ဒမှာ နွေဦးတွင် ကဗျာပါလိုခြင်း။ သို့သော် အမှတ် (၂) ထွက်မလာတော့သဖြင့် ကျနော့်ဆန္ဒ မပြည့်ဝခဲ့။ သို့ပေမယ့်နွေဦးကိုတော့
စကားလုံးတလုံးအဖြစ် ချစ်ခဲ့မိသည်။
ကြည်လင်သော၊ လန်းဆန်းသော၊ လွတ်လပ်သော၊ အလှတရားဖြင့်ပြည့်ဝသော၊
ညစ်နွမ်းအုံ့မှိုင်း မွန်းနစ်ခဲ့ရသမျှထဲမှ မျှော်လင့်တောင့်တ တမ်းမက်မောခဲ့ရသည့်
နွေဦး။

တကယ်တော့ နွေဦးက ခေတ်ဆန်သည်။ မြန်မာလိုတော့ နွေပေါက်ပြီဟုပဲပြောကြ
သည်။ နွေပေါ်ပြီဟုလည်း ရေးကြသည်။ ခါနွေဆန်းချိန် ဟုလည်းစာထဲဖွဲ့ကြသည်။
နွေ၊ မိုး၊ ဆောင်း ဥတုသုံးလီအောက်မှာ ကျနော်တို့ ကြီးပြင်းခဲ့ကြရသည်။
အောက်ပြည်အောက်ရွာမို့ မိုးက ကောင်းသည်။ တခါတရံ ကျနော်တို့ ရန်ကုန်
ဆင်ခြေဖုံး ရပ်ကွက်ကလေးမှာ ရေခါးဝက်လောက်မြုပ်နေတတ်သည်။ နွေဆိုလျှင်
အကျီချွတ်ကာအိမ်အောက်ထဲ ဆင်းနေကြရသည်။
ဖုံက အလုံးလိုက် လမ်းပေါ်ကနေ အိမ်ထဲဝင်လာသည်။ မှောင်စပျိုးသည်နှင့် ခြင်ထု
ကြီးက ပြည့်လာသည်။ ဆောင်းဆိုလျှင် သစ်ရွက်ခြောက်တွေ အမှိုက်တွေစုကာ
မီးပုံရှို့လှုံရသည်၊ နှာစေးကာ မျက်လုံးတွေနီရဲ၊ အသံမထွက်၊ အိပ်ယာထဲ အဖျား
သွေးတ၀က်ဖြင့် အိပ်မက်ဆိုးမှ လန့်လန့်နိုးရသည်။
ရာသီသုံးခုစလုံးက သူ့နည်း သူ့ဟန်ဖြင့် နှိပ်စက်ကြသည်ချည်း။ ထိုစဉ်က
အကောင်းကိုဖွေ၍ အလှကိုရှာ မချစ်တတ်ဟု သူငယ်ချင်းတယောက်က
ဝေဖန်သည်ကို မှတ်မှတ်ရရဖြစ်မိ၍ ကဗျာတိုလေးတပုဒ်ရေးခဲ့ဖူးတာ သတိရသည်။

နွေဆိုရင်လည်း၊ ပူတယ်လို့ပြော
မိုးဆိုရင်လည်း၊ စိုတယ်လို့ပြော
ဆောင်းဆိုရင်လည်း၊ အေးတယ်လို့ပြော
နွေနဲ့မိုးဆောင်း၊ ရာသီပြောင်းတိုင်း
မင်းခေါင်းထဲမှာ၊ အပြစ်ရှာတယ်
ဒါတရားသလားသူငယ်ချင်း ... ဟု။
ကဗျာခေါင်းစဉ်က “မျက်မှန်စိမ်းကလေး ချွတ်လိုက်ပါ” ဖြစ်သည်။
ကိုယ့်ကိုယ်ကိုယ် ဝေဖန်ရေးလုပ်ခဲ့ခြင်း ဖြစ်သည်။ ထိုအချိန်ကစ၍ မျက်မှန်စိမ်း
ကျွတ်သွားခဲ့သည်ဟုတော့ တိတိကျကျမပြောနိုင်။ သို့ပေမယ့် အစိမ်းက အရောင်
တော့နုသွားသည်။ နွေဦးဆိုသည့် စကားလုံးကလေးအပေါ်အချစ်စိတ်ဝင်ခဲ့သည့်
အချိန်မှာတော့ ကျနော့်ရင်ထဲမှာလည်းနွေဦးပေါက်ခဲ့ပြီဟုပြောရပေမည်။

ဥရောပမြေပေါ်ကို ကျနော်ရောက်ချိန်က ဆောင်းကုန်ကာနီးဖြစ်သည်။ ဆောင်းကို
အဖျားလောက်ပဲ မီလိုက်ရသည်။ ဆောင်းပီပီသသကို မကြုံလိုက်ရ၍လည်းသူတို့
ဆောင်းက နာမည်ကြီးသလောက်လည်း မဟုတ်ပါဘူးဟု စိတ်မှာထင်မိသေး
သည်။ သည်နောက်မှာတော့ နွေဦးကို ကြုံရသည်။ နေရောင်လင်းသော နေ့မှာ
တမြို့လုံး လူတွေ ထွက်အန်ကျလာကာ လမ်းတွေပေါ်၊ မြက်ခင်းတွေပေါ်
လှုပ်ပွနေတာကို တွေ့ရတော့ သိပ်နားမလည်နိုင်ခဲ့။ လူသွားလမ်းဘေး မြို့လယ်
မြက်ခင်းပေါ်မှာ ပင်လယ်ကမ်းနား အပမ်းဖြေသည့်နှယ် ရေကူးဝတ်စုံလို
အပေါ်တစ အောက်တစဖြင့် နေပူခံလဲလျောင်းနေကြတာ ကြည့်ရင်း ကိုယ်ပါ
ခြေလှမ်းပျက်ရသည်။ ဘယ့်နှယ့်နေရောင်ကို သည်လောက်မက်မက်မောမော
ဖြစ်နေရပါလိမ့်ဟုပင် အာရုံနောက်ခဲ့မိသည်။ မြန်မာပီပီ ကိုယ့်မှာက နေပူလျင်
ထီးဖွင့်ဆောင်းချင်သည့်စိတ်ကမပျောက်သေး။
သည်လောက်တောင် နေရောင်ငတ်နေကြလည်း မြန်မာပြည်ကနေရောင်တွေကို
ပင်အိတ်စပို့ လုပ်လိုက်ချင်သေးတော့ဟု နိုင်ငံခြားငွေရှာချင်စိတ်တောင် ဖြစ်လိုက်
သေးသည်။ အညာသားကျောကုန်းဆိုသည့် စကားလုံးကိုရှင်းပြရင်း နေအပူ
အောက်က မြန်မာပြည်သူတွေ၏ ဘ၀အား သူတို့ကို ပြောပြချင်သည်။
သည်နှစ်တော့ သူတို့ဆောင်းကိုလည်း ကျနော်ဖြတ်ခဲ့ရပြီးပြီ။ သူတို့၏ နွေဦး နွေ၊
ဆောင်းဦး ဆောင်းဆိုသည့် လေးရာသီအကြောင်းကိုလည်း သိတန်သလောက်
သိခဲ့ပြီ။ ထို့ကြောင့်ပင်နွေဦးတနေ့မှာ ကျနော်လည်း အိမ်ခန်းကျဉ်းကလေးထဲမှ
နေ၍ မြို့လယ်လမ်းမတွေပေါ် အန်ကျလာခဲ့ရခြင်းပင်။

သည်မှာ ဘာအဆင်မပြေတာများရှိသလဲဟု သူတို့ကမေးတိုင်း ကျနော်တို့က
ရာသီဥတုဟု ဖြေတတ်ကြသည်။ သည်သို့ဖြေတိုင်း သူတို့မျက်နှာ ပျက်သွား
တတ်ကြသည်။ ကျနော်တို့ကလည်း အားနာရကောင်းမှန်းမသိ။ နိုင်ငံခြားသားတွေ
မှာ အားနာတယ်ဆိုတဲ့ စကားလုံးမရှိဘူးဟု ကျနော်တို့က ကြားဖူးထားသည်
မဟုတ်လား။ ပြီးတော့ လွတ်လပ်စွာထုတ်ဖော်ပြောဆိုတာကို သူတို့ကအားပေး
သည် မဟုတ်လား။
သူတို့က သူတို့ဆီက စကားပုံတခုကိုပြောပြသည်။ ရာသီဥတု ဆိုးတယ်ဆိုတာ မရှိ၊
အ၀တ်အစားဆိုးတယ် ဆိုတာပဲရှိတယ်ဟူ၍။ ရေဗူးနဲ့ ဖိနပ်မပါ၊ နွေခါမှသိ ဆိုတဲ့ ကျနော်တို့ဆီကစကားနှင့် ခပ်ဆင်ဆင်ပင်။ သို့ပေမယ့် ခံယူခဲ့ကြပုံချင်းတော့
ကွာခဲ့ဟန် တူသည်။

တကယ်ကလည်း ရာသီဥတုဆိုသည် လုပ်၍ ပြင်၍ရသော အရာမဟုတ်။
ရာသီဥတုထဲ ရှင်သန်နေထိုင်နိုင်အောင်သာ လူက ကြိုးစားကြရသည်။
အခြားရေသာမြေသာရာရှာဖွေနေထိုင်ကြရသည်။ ရေသာမြေသာရာကို
နောက်ကျခဲ့ကြ သူများမှာတော့သူတပါးရှောင်ကြဉ်ရာ ရေရိုင်းမြေရိုင်းမှာပင်
အခြေချကြရသည်။ သည်လိုနှင့် ရေရိုင်းမြေရိုင်းနေခဲ့ရသူများက တည်ဆောက်
ရေးစိတ်ဓာတ် အားကောင်း၍ ရေသာမြေသာရာနေခွင့်ရခဲ့သူများက
တည်ဆောက်ရေးစိတ်ဓာတ် အားနည်းခဲ့ကြသည်ဟုဆိုရလေမလား။

သူတို့စကားထဲကလိုပင် သူတို့သည် အပြစ်၊ အားနည်းချက်တို့ကို တခြားမှာမရှာ။
သူတို့ကိုယ်၌မှာပင် သူတို့ ပြန်ရှာဖွေခဲ့ကြသည်။ ကျနော် ငယ်ငယ်ကတပ်ခဲ့သည့်
မျက်မှန်စိမ်းမျိုးကို သူတို့က ပြောင်းပြန်တပ်ခဲ့ကြခြင်းဖြစ်သည်။ သူတို့သည်
နွေဦးကို ထိုင်စောင့်ခဲ့ကြသူများမဟုတ်။ သို့သော် နောက်ဆုံးတော့ နွေဦးသည်
သူတို့ထံ ဆိုက်ဆိုက်မြိုက်မြိုက် ရောက်လာခဲ့ရသည်ဟု ဆိုရပေမည်။
ထိုနေ့၌ ကျနော်သည် တဆောင်းလုံး သိမ်းဆည်းထား ခဲ့ရသည့် အပြာရောင်
ဂျင်းဂျာကင်လေးကို ၀တ်ဆင်ကာ ကော်ဖီဆိုင်များရှေ့က ဖြတ်လျှောက်
လာခဲ့ပါသည်။ လမ်းဘေးဈေးဆိုင်တဆိုင်ရှေ့၌ရပ်၍ ကျနော်က နွေဦးတအုပ်
ပေးပါဟု ပြောလိုက်သောအခါ အရောင်းသည်ကောင်မလေးက ပြုံးလို့
ကြည့်နေလေသည်။
သြော် ... စိမ်းသစ်နုပုရစ်ဖူးကလေး။