ကမ္ဘာကြီးဟာ သစ်သီးကိတ်တလုံးမဟုတ်ပါ

ငါတို့ရဲ့ ကိုယ်ပိုင်တိုင်းပြည်

အပင်မှန်ရင် အမြစ်ရှိရမယ်
လူမှန်ရင် နေစရာမြေနေရာရှိရမယ်
လူမျိုးတိုင်းမှာ နိုင်ငံရှိရမယ်။

ဒါပေမယ့်ငါ့မှာ
တိုင်းပြည်နိုင်ငံမရှိပါ။

ပင်လယ်ရေခမ်းတဲ့အထိ
ချိုသကြားတွေဆားလိုငန်တဲ့အထိ
ငါတို့စောင့်ရမှာလား။

ဘယ်တော့များမှ
တို့တိုင်းတို့ပြည်ပြန်ရပါ့။ ။

C. crown, Toe ဆိုတဲ့ နော်ဝေနိုင်ငံမှာအခြေချနေထိုင်နေတဲ့ မြန်မာပြည်က ကရင်လူမျိုးတဦး နော်ဝေဘာသာနဲ့ရေးသားထားတာကို မြန်မာပြန်ထားတာပါ။

ကျနော်တို့လူတွေနေစရာဆိုလို့ ဒီမြေကမ္ဘာတခုပဲရှိတာ။
ဒါကို ပိုင်းကြ၊ ခြမ်းကြ။ ခြံစည်းရိုးခတ်ကြ၊ တံတိုင်းကာကြ။ အလံတွေ မာန်တွေထူကြ။
ဒီမြေအတွက် စစ်ပွဲတွေဆင်နွဲကြ။ ဘ၀တွေ အသက်တွေစွန့်လွှတ်ကြ။
ကမ္ဘာဦးကတည်းက ရေကြည်ရာမြက်နုရာ လွတ်လပ်စွာ နေထိုင်သွားလာခွင့်တွေ ဆုံးရှုံးခဲ့ကြရ။

အိုင်တီထွန်းကားလာတာကိုပြောရင်းနဲ့ လူတွေဟာ မြေကိုခွာပြီး မိုးပေါ်မှာ ကမ္ဘာပြုလာကြပြီလို့ ပြောကြပါတယ်။ မြေကိုအရင်းပြုတဲ့၊ မြေကိုအခြေတည်တဲ့ စီးပွားရေးလူမှုရေးဘ၀တွေကို နည်းပညာက ကျော်လွှားလိုက်တဲ့အခါ ကမ္ဘာကြီးဟာ လုံးရာကပြားသွားတယ်ဆိုတဲ့အယူအဆ ပေါ်ပေါက်လာပါတယ်။
ဒါပေမယ့် ပြားနေတဲ့ကမ္ဘာကြီးဟာ စာရေးခုံတခုံလို မျက်နှာပြင်ညီညာတာတော့မဟုတ်။ ခြံစည်းရိုးဖြဲဝင်နေတဲ့သူတွေ၊ ပင်လယ်ထဲမောင်းချခံရတဲ့လူအုပ်တွေ၊ တကိုယ်လုံးဗုံးတွေနဲ့ချည်ပိုးပြီး ကိုယ်ပိုင်မြေတခုတိုက်ယူနေတဲ့သူတွေနဲ့ ရုတ်ရုတ်သဲသဲ။

ကမ္ဘာကြီးပေါ်မှာ မြေအတွက်ဖြစ်ခဲ့တဲ့စစ်ပွဲတွေ သွေးမတိတ်သေး။
လူတယောက်မြေဘယ်လောက်လိုသလဲလို့ တော်စတွိုင်းကမေးခွန်းထုတ်ခဲ့ဘူးတယ်။
မြေရှင်ပဒေသရာဇ်စံနစ်ကို သမိုင်းထဲမှာ ထားခဲ့နိုင်ကြပြီလား။
နည်းပညာသစ်တွေ၊ အယူအဆသစ်တွေကြားထဲ ဖုန်းဆိုးမြေတွေကတော့ ရေငတ်ဆဲ။

ငှက်တွေက မိုးကောင်ကင်ကို ပြာစေချင်တယ်။
ငါးတွေက ရေမိုးမှန်စေချင်တယ်။
လူတွေကတော့ မြေကိုငါပိုင်တယ် သူပိုင်တယ် ငြင်းကြခုန်ကြ၊ စစ်ခင်းကြတယ်။

ကမ္ဘာကြီးပူနွေးလာတာလည်းအရေးကြီးတယ်။
ဒါဖာမှာ လူတွေခြံခတ်ပြီး အသတ်ခံနေရတာလည်း အရေးကြီးတယ်။
ကရင်လူမျိုးတယောက် သူ့တိုင်းပြည်အတွက် သောကရောက်ရတာလည်း အရေးကြီးတယ်။
အရေးတကြီးကိစ္စတွေဟာ မြက်ရိုင်းတွေလို မြေပေါ် ထူထပ်စွာပေါက်ရောက်လို့နေလေရဲ့။
အို မြက်ခုတ်သမား နိုးကြားလော့။ ။

ကျနော့်ရဲ့မျဉ်းကြောင်းများ

ရင်ပြင်တော်ပေါ်မှာ ထီးတွေ၊ လူမျက်နှာတွေ။
အလဲဗင်းသတင်းဂျာနယ်မျက်နှာဖုံးပေါ်က မျက်နှာပြည့်ဓါတ်ပုံက ကျနော့်ကိုဖမ်းစားလိုက်တယ်။
ဓါတ်ပုံကိုလည်း သပ်သပ်ဖြတ်ထုတ်ပြီး သိမ်းလိုက်တယ်။ နောက် ဒက်စတော့ပေါ်တင်ထားလိုက်တယ်။
ဒါနဲ့အာသာကမပြေဘူး။ တခုခုလုပ်ချင်နေသေးတယ်။
ကဗျာရေးမလား။ ဟင့်အင်း။ စကားလုံးတွေထက်တခုခုကို ပိုအာသီသဖြစ်နေမိတယ်။

တနေ့ကကြည့်ဖြစ်တဲ့ရုပ်ရှင်ထဲမှာ ဇာတ်လိုက်ကလူသတ်သမား။ မွေးရာပါသူ့ထူးခြားချက်တခုကြောင့် လူမသတ်ချင်ပဲသတ်ရ။ တယောက်သတ်ပြီးတိုင်း သူ့မှာနာကျင်ကြေကွဲရ။ သူ့ခန္ဒာကိုယ့်လှုံ.ဆော်လာတဲ့အခါ လူသတ်လိုက်ရမှ သူ့မှာလူကောင်းပြန်ဖြစ်၊ ပြန်ကျန်းမာ။ ကောင်းနေတဲ့အချိန်မှာ သူ့ရဲ့ထူးခြားတဲ့အရည်အသွေးကို အသုံးပြုပြီး လူတွေကိုထူးချွန်စွာကယ်တင်တဲ့ ဆရာဝန်ဘ၀။
သူ့ချစ်သူကသူ့လျို့ဝှက်ချက်ကိုသိသွားတဲ့အချိန်မှာ သူ့ခန္ဒာကိုယ်က သူ့ကိုလူသတ်ဖို့လှုံ့ဆော်နေတဲ့အချိန်။
သတ်ရမှာက သူ့ချစ်သူ။
ချစ်သူကိုမသတ်ပဲဝေဒနာကိုခံစားရင်းသာ သူ့ဘ၀ကိုဇာတ်သိမ်းလိုက်ဖို့ဆုံးဖြတ်ထားပေမယ့်
ချစ်သူရဲ့နားလည်မှုကိုမရပဲ ရွံရှာမုန်းတီးမှုကိုသာ နာကျင်စွာလက်ခံလိုက်ရတဲ့အဖြစ်။
သူ့တအိမ်ခန်းလုံးမှာ သူဆွဲထားတဲ့ပန်းချီကားတွေ။
သူ့ဝေဒနာက ထွက်ပြေးဖို့ကြိုးစားတိုင်း ဝေဒနာသက်သာရာသက်သာကြောင်း အခန်းအောင်းပြီး ဆွဲထားတဲ့ ပန်းချီကားတွေ၊
မျဉ်းတွေနဲ့ချည်းဖွဲ့စည်းထားတယ်။ အပ်ချည်လုံးတလုံးကို ဖြည်ချပြီး ဖြန့်ပုံထားသလို ရှုတ်ထွေးပြီးနားလည်ရခက်တဲ့မျဉ်းတွေနဲ့ ဖွဲ့စည်းထားတယ်။
ကျနော်လည်း မျဉ်းကြောင်းတွေကိုချစ်တတ်တာ သွားသတိရမိတယ်။

သူ့ကိုယ်ပိုင်ဟန်တခုနဲ့ ပန်းချီဆရာဘ၀ကိုရပ်တည်နေတဲ့ သူငယ်ချင်းတယောက်က ပြောခဲ့ဘူးတယ်။
ပုံဆွဲတတ်မှမဟုတ်ပါဘူး။ ဖန်တီးလိုစိတ်နဲ့ ခံစားမှုရှိရင် ပန်းချီဆွဲလို့ရပါတယ်တဲ့။
အဲဒီစကားကိုသတိရမိလိုက်တာနဲ့ပဲ စာရွက်အဖြူတရွက်နဲ့ ဘောပင်တချောင်းကို ကျနော်ကောက်ကိုင်လိုက်တယ်။
မိုးကလေးတဖွဲဖွဲ
ဘုရားရင်ပြင်တော်ပေါ်မှာ။

အရက်နဲ့လူ ဘယ်သူမှားသလဲ

မနေ့ကဘီဘီစီမှာ အရက်အကြောင်းဆွေးနွေးခန်းလေးနားထောင်လိုက်ရတယ်။ အရက်မကောင်းကြောင်းပြောချင်တာလား။ အရက်နဲ့ပတ်သက်ပြီး မှန်မှန်ကန်ကန် ချဉ်းကပ်စေချင်တာလား။ အရက်ကိုအကျယ်ဖွင့်ချင်တာလား။ သူတို့ရည်ရွယ်ချက်ကမကွဲတော့ သူတို့ဆွေးနွေးခန်းကလည်း သိပ်လှုပ်မလာဘူးလို့ထင်တယ်။ အခုရေဒီယိုသမားတွေက လူတွေကို ဖုန်းထိုးပြီးလျောက်မေးတယ်။ အီးမေးလ်ကနေ စာတွေ၊ စကားတွေခေါ်တယ်။ ပြီးတော့ အဲဒါတွေစုပြီး တင်ပြချက်လေးလုပ်လိုက်တယ်။ ကိုယ်တိုင်ရှာဖွေစုဆောင်းတာ၊ လေ့လာသုံးသပ်တာတွေက မပါသလောက်ပဲ။ မီဒီယာအပေါ် ကိုယ်ကပဲနားလည်မှုလွဲတာလား မပြောတတ်ဘူးလေ။

ပြောချင်တာက အရက်အကြောင်းပါ။ သူတို့ဆီတက်မပြောဖြစ်လို့ ကိုယ်ဘလော့မှာပဲ ကိုယ်လွတ်လွတ်လပ်လပ် ရေးတင်လိုက်တော့တယ်။ ပြောရရင်အရက်နဲ့ကိုယ်နဲ့က အရင်းကြီးတွေ။ အဖေကအရက်ဆိုင်မန်နေဂျာ။ မဆလခေတ်ကတော့ ရေကပိုက်ဆံရတဲ့သူဆိုပါတော့။ ကိုယ်ကလည်း ငယ်ကတည်းက ပုလင်းကျန်စစ်ပြီး မုန့်ဘိုးရှာလာခဲ့တာ။ ဒါပေမယ့် အဖေကအရက်ကြိုက်တတ်သူတော့မဟုတ်ဘူး။ အဖေကအသားဖြူတော့ အရက်သောက်ပြီးရင် တကိုယ်လုံးနီတက်လာတာ။ အရက်မူးမှ ရှာဖြစ်တဲ့အပျော်မျိုးတော့ အဖေကကြိုက်တယ်။ ကိုယ်ကလည်းအဖေတူပဲ။ ကိုယ့်ဘ၀မှာ အရက်ကိုအတော်သောက်ဖြစ်ခဲ့တဲ့ကာလတွေရှိခဲ့တယ်။ အတော်သောက်တဲ့သူငယ်ချင်းတွေကလည်း တကယ့်အရင်းတွေကိုး။ အခုတော့ အရက်သောက်ဖို့ရာ အဆင်မပြေတဲ့နေရာကိုရောက်နေတော့ အရက်ကပြတ်နေပြန်ရော။ ဆေးစစ်တော့ ကိုယ့်အသဲကကြီးနေတယ် ယူဆရလို့ ဖြစ်နိုင်ရင် အရက်မသောက်ပါနဲ့တဲ့။ သောက်ချင်စိတ်ကလည်းမရှိပါဘူး။ ဒီမှာက အရက်ဈေးကြီးတယ်။ သောက်ဖေါ်သောက်ဖက်တွေမရှိဘူး။ မူးရင်လည်း ဟိုသွားဒီသွားလုပ်ဖို့မလွယ်ဘူး။ ဈေးကြီးလည်း အရက်ကိုကြိုက်တတ်သူဆိုရင်တော့ သောက်ဖြစ်မှာပါ။ တကယ်က ကိုယ်ကအဖေ့လိုပဲ အရက်ကိုကြိုက်တာမဟုတ်ဘူး။

အရက်သမားအမှားတထောင်တဲ့။ လူကိုဖျက်အရက်တဲ့။ ဘုရားလက်ထက်ကတည်းကမှန်ခဲ့တဲ့ အမှန်တရားပဲ။ အရက်ကတော့ ဘုရားမပေါ်ခင်ကတည်းက ပေါ်ခဲ့တာ။ သာသနာနှစ် ၂၅၀၀ ကျော်ခဲ့ပေမယ့်လည်း အရက်ကခေတ်စားနေတုန်းပဲ။
အရက်သောက်ပြီးမှ မှားရဲတဲ့သူတွေကိုပြောခဲ့ဘူးတယ်။ ခင်ဗျားတို့က အရက်ကိုနာမည်ဖျက်နေတဲ့သူတွေပဲလို့။ ငယ်ငယ်က ပန်းဆိုးတန်းကုန်တိုက်ပေါ်မှာ အရက်ရောင်းတဲ့ကောင်တာနောက်က စာချိုးလေးတခုကို သဘောကျခဲ့ဘူးတယ်။ လူကိုဖျက် အရက်ဟုဆိုသော်လည်း၊ သူဖျက်တိုင်းသာ ပျက်ရပါမူ၊ ဘယ်မှာလူကောင်းရှိမည်နည်း တဲ့။

ကိုယ့်ကိုယ်ကိုယ် အတွေးအခေါ်အသစ်တွေထုတ်လုပ်နေတယ်လို့ ယုံကြည်နေတုန်းက သူငယ်ချင်းတချို.ကို အရက်နဲ့ပတ်သက်ပြီးခပ်တည်တည်ပြောခဲ့ဘူးတာ တခုရှိတယ်။ ကိုယ်တို့ယောကျာင်္းတွေဟာ အရက်နဲ့ပတ်သက်ရင် အစွန်းနှစ်ပါးကိုရှောင်ရမယ်။ တခုက အရက်ကို မသောက်ရမနေနိုင် စွဲစွဲလန်းလန်းနဲ့ အရက်ရဲ့ကျေးကျွန်ဖြစ်တဲ့အထိ သောက်တာ။ နောက်တခုက အရက်ကိုမကောင်းမှုတခုလို ဝေယျာမဏိ ဝေးဝေးကရှောင်ကျဉ်ပါ၏လုပ်တာ လို့။ တကယ်က အရက်ကိုကိုယ့်ရဲ့ဖျော်ဖြေရေးတန်ဆာပလာတခုလို နိုင်နိုင်နင်းနင်းအသုံးချသောက်သုံးနိုင်ရမယ်။ ဒါပေမယ့် ကိုယ်တိုင်လည်း လူမသိသူမသိတဲ့အထိမူးသွားလို့ ရေချိုးခန်းထဲ လှဲအိပ်ခဲ့ဘူးတာတွေ ရှိခဲ့ဘူးတာပါပဲ။
သိပ်ချစ်တဲ့သူငယ်ချင်းတယောက်ကတော့ မူးသွားရင် သူဘာမှမသိတော့ဘူးလို့ ပြောခဲ့ဘူးပါတယ်။ တကယ်လည်း သူမူးသွားရင် သူမလုပ်ရဲတဲ့အမှား ဘာမှမရှိတော့ဘူး။ အကုန်လုပ်ရဲပါတယ်။ လုပ်ပါတယ်။ သူ့အကြောင်းသိသူမို့ ဘာမှစောဒကမတက်ခဲ့ဘူးပေမယ့် မူးလို့မသိဘူးဆိုတာဟုတ်မလားဟယ်။ ချီးကျွေးကြည့်ပါလားဆိုတဲ့ အဖွားစကားကို သတိရပြီး ပြုံးခဲ့မိတယ်။

ဒီစာကိုမရေးခင် ဂျီးနပ်စ်တဘူး ဒီနေ့သောက်ဖြစ်တယ်။ တဘူးထဲဆိုတော့ အီလည်လည်ပေါ့လေ။ အခုအရက်အကြောင်းရေးတော့လည်း အီလည်လည်ဖြစ်နေပြန်ရော။
တခုတော့ သေချာတာပြောမယ်။ အီလည်လည်ဖြစ်ရုံလောက်တော့ အရက်ကိုမသောက်ကြလေနဲ့။ သိပ်နှမြောဖို့ကောင်းတယ်။ အရမ်းမူးပြီးလည်း တခါတည်းမှောက်မသွားစေနဲ့။ သိပ်နှမြောဖို့ကောင်းတယ်။