ညို မြသွေး
27/4/2022
=======
ဘာမှ ပြောင်းလဲမသွားဘူး
သူက အတိတ်တွေကို
လုံးစေ့ ပတ်စေ့ မှတ်မိ ထားသူ
သူတို့ ကလေးတသိုက်
သစ်ကိုင်းခြောက်တွေနဲ့ အိမ်ဆောက် ကစားနေကျ ထင်းရှူးပင် ကြီးရှိရာ တောင်ကုန်းထက်မှာ ခုတော့ ရဲတိုက်ပုံ
ခေတ်မီ ဟိုတယ် ကြီးတခု
ဘာမှ ပြာင်းလဲမသွားဘူး ၊သူပြောချင်နေတာ
ဇီးထုပ်အခွံတွေနဲ့ မုန့်ထုပ် စက္က ူတွေ လွင့်ပျံနေတဲ့ သဲကွင်း မြက်ဖုတ်တွေနေရာမှာ မြက်ကော်ဇောတွေနဲ့
အလှစိုက်ပန်းအိုးတွေ ၊ရောမစတိုင် အလင်းပေး မီးတိုင်တွေ၊
ဘာမှ ပြောင်းလဲမသွားဘူး ၊သူ ့စကားလုံးတွေက လည်ချောင်းထဲ တစ်ဆို ့ ့နေတယ်
ခပ်ဝပ်ဝပ် တီပုံသဏ္ဏာန် ခေါင်းလောင်းသံချို ကျောင်း ကလေးက အထပ်မြင့် ခန်းဆောင် ကြီးတွေနဲ့ ဓါတ်လှေခါးခန်းတွေနဲ့
ဘာမှပြောင်းလဲ မသွားဘူး
သူတို ့ပန်းတွေခူးကစားရင်း စပ်စပ်စုစု လိုက်ဖတ်ခဲ့တဲ့ အုတ်ဂူ ကမ္ဗည်းစာထဲမှာ တခါမှမတွေ ့ခဲ့ဖူးတဲ့
နာမည် သစ်တွေက ရေညှိတွေနဲ ့ဖုံးလို ့
ဘာမှ မပြောင်းလဲသွားဘူး
သူ့ အသံက ရင်ခေါင်းထဲက အ ပြင်ထွက်မလာတော့
သူ ချစ်တဲ့သူတွေ နာမည်နဲ့ အသက်ရေးထားတဲ့
အုတ်ဂူ တွေက တချို ့ပြိုပျက်ပေါက်ထွက်လို ့
ဘာမှ ပြောင်းလဲမသွား ဘူး
သုဿန်ဇရပ် တောင်ဘက် ဘန့်ဘွေးပင်ကြီးအောက်က အုတ်ဂူတခု မှာတော့ တခုခုနဲ ့လက်ဆော့ ခြစ်ဖျက်ထား တဲ့ ကမ္ဗည်းစာ
တခု ရှိနေတယ်
ဘာမှပြောင်းလဲမသွားဘူး
မှုံဝါး ဟောင်းပျက်နေတဲ့ ရေညှိတက် ကမ္ဗည်း စာပေါ်ကနာမည်ကို ခက်ခက်ခဲခဲ ပေါင်းဖတ် လိုက်တော့
သူ့နာမည်နဲ့ အသက်
ဘာမှ ပြောင်းလဲမသွားဘူး
သူ့စိတ်ထဲက ရေရွတ်သံ သူကိုယ်တိုင် ပြ
န် ကြား နေရတယ်
ဝိဉာဉ် တခုဟာ သူထားခဲ့တဲ့ မြို ့ဟောင်း နဲ့ ဘူတာရုံ ကလေး တွေ ဈေးတွေ ၊ချာခ်ျကျောင်းတွေ ၊စေတီတွေ အမှတ်အသားတွေက လွဲလို ့ ဘာတွေများ သိနိုင်အုံးမှာလဲ
ဘာမှ ပြောင်းလဲမသွားဘူး
