အခန်းကလေးတခန်းရတယ်
ခင်မင်သူတွေနဲ့မလှမ်းမကမ်းမှာ
ရန်လိုမုန်းတီးသူတွေနဲ့ မနီးမဝေးမှာ။
အခန်းကလေးတခန်းရတယ်
ဆူညံတဲ့လမ်းတခုရဲ့ဘေးမှာ
တိတ်ဆိတ်တဲ့ခြံဝင်းတခုနဲ့ကပ်ရက်မှာ။
အတွေးထဲတကိုယ်တည်းခိုလှုံဖို့
စိတ်လိုရင် တေးကလေးတပိုင်းတစသီဖို့
နေ့မှာ မျက်နှာကြက်ပန်ကာနဲ့
ညမှာ လေအေးစက်နဲ့
အခန်းကလေးတခန်းရတယ်။
အခန်းကလေးတခန်းရတယ်
မိုးလင်းတာနဲ့ နေရောင်က
ကုတင်ပေါ်ခုန်ဝင်တယ်
ရေချိုးခန်းထဲမှာ
ညကပေကျံခဲ့တဲ့အညစ်အကြေးတွေကိုဆေးတယ်
ရပ်ကွက်လမ်းကြားလေးထဲကမုန့်ဟင်းခါးဆိုင်ဆီ
စက်ဘီးကလေးစီးပြီးသွားတယ်
ကျနော်အပြင်ထွက်တိုင်း သော့ခလောက်တန်းလန်းနဲ့ကျန်ခဲ့။
ဖြစ်ချင်တော့ အခုပဲလက်ဖက်ရည်ဆိုင်က
ပြန်ရောက်တယ်
မနေ့ညကမထိုင်ဖြစ်ခဲ့တဲ့ခုံအလွတ်ကလေးတလုံးက
ကျနော့်အခန်းကလေးထဲမှာ
စောင့်လို့
အရင်ဘဝကတည်းကစောင့်နေခဲ့တာတဲ့
ကျနော်ဆွံ့အခဲ့ပါတယ်။
အခန်းကလေးတခန်းရတယ်
စိတ်မကောင်းတဲ့အခါ
အပြင်ကိုထွက်ငေးလို့ရတဲ့ဝရန်တာကလေးနဲ့၊
အခုမှသတိရတယ်
သစ်ခွအိုးလေးတွေ ဟော့ဒီနေရာမှာချိတ်ဆွဲမယ်
ညနေခင်းတိုင်းရေလောင်းပေးမယ်
ပထမဆုံးပွင့်တဲ့ပန်းကလေးကိုတော့
သူ့ဆီရောက်အောင်ပို့ပေးအုန်းမယ်လို့။ ။
8 comments:
ဆရာေရ
ပထမဆံုးပြင့္မဲ႔ ပန္းကေလးကို
ေမာင့္မဟာဂီတသူမ ထံကိုပို႔မွာလားဗ် :)
ဂ်ဴး ၀တၳဳထဲက ပန္းနဲ့ သစၥာနီ ၀တၳဳထဲပန္း အတူတူပဲေလ။ ဒီပန္းက အဲဒါမ်ိဳးလား။ လူုဘ၀ကို လူုဘ၀လို့ ျမင္ေအာင္ အလွအပကို အလွအပလို့ ခံစားတတ္ေအာင္ ေရးျပႏိုင္တဲ့ ကဗ်ာဆရာကို ေက်းဇူး။
အဲဒီအခန္းေလးထဲ တကယ္ေရာက္သြားသလို..ခံစားမိတယ္.။
ဆရာႏွင္းခါးမိုးေရ ကဗ်ာလာဖတ္တယ္ဗ်
ႏုႏုညံ့ညံ့ေလးနဲ႔ ႀကိဳက္တယ္ ပန္းပြင့္္မယ့္အခ်ိန္ကို ေမွ်ာ္ေနမယ္ထင္ပါတယ္ :)
ေကာင္းေသာေန႔ပါ :)
”ပန္းပြင့္နဲ႔လူ”ကိုသြားသတိရမိတယ္ဗ်...
ဒီကဗ်ာဆရာက ေပ်ာက္ဆံုးေနတာၾကာသြားသလိုပဲ
ၿပန္လာၿပီးပန္းေတြစိုက္ေတာ့လည္း..လွေနဆဲ
ႏွင္းခါးမိုးေတြေတြမထိေစနဲ႔ေပါ့ေနာ့..း)
mnhy
အခန္းေလးတခန္းရယ္
သစ္ခြစိုက္မယ့္ကဗ်ာဆရာရယ္
ေရေလာင္းေပါင္းသင္မယ့္ကဗ်ာဆရာ့ ေမာင့္မဟာဂီတသူမရယ္
ဆြဲလည္းသံေလးေတြလိ္ုခ်ိဳေစတဲ့ကဗ်ာ့ဆရာ့ရင္ေသြးေလးေတြရယ္
သိပ္လွတဲ့ သစ္ခြေတြေ၀ေနတဲ့ မိသားစုအခန္းေလးပါပဲ….
Hi thanks foor posting this
Post a Comment