အြန္လိုင္းကဗ်ာ
ကုိယ္ကေတာ့ ကဗ်ာကုိ ဘယ္ေနရာမွာမဆုိ ေရးတာပါပဲ။
နံရံေပၚမွာလည္း ေရးခဲ့ဖူးတယ္။ ေဆးလိပ္ဖင္ဆီခံေပၚလည္း ေရးခဲ့ဘူးတယ္။ ကုိယ့္အေရျပားေပၚမွာလည္း ကုိယ္ေရးခဲ့ဖူးတယ္။
အိမ္မွာေနေတာ့ အိမ္ေျမွာင္၊ ေက်ာင္းမွာေနေတာ့ ေက်ာင္းေျမွာင္ျဖစ္မသြားပါဘူး။ ကဗ်ာက ကဗ်ာပါပဲ။
ဒီေတာ့ အြန္လုိင္းကဗ်ာလည္း ကဗ်ာပဲေပါ့။
Tuesday, June 28, 2011
Thursday, April 7, 2011
မီးသွေး
လောင်ကျွမ်းထားပြီးသား
နောက်ထပ်ရဲရဲ တောက်လောင်အုန်းမယ့်
ပုန်းနေတဲ့မီးခဲ
မည်းမည်းသဲသဲပေမယ့်
ပြာတော့မကျသေးဘူးလေ။ ။
Monday, January 3, 2011
စစ်
တယောက်ကိုတယောက်တည့်တည့်ချိန်ပစ်ကြ
ဘဝတွေပေးခဲ့ပြီး
ဘာပြန်ရမှန်းမသိလိုက်ဘူး
သေနတ်ခလုတ်ပေါ်မှာ
ငြိမ်းချမ်းမှုကိုရှာသတဲ့
လွတ်မြောက်မှုကိုရှာသတဲ့
အမှန်တရားကိုရှာသတဲ့။
မချိုးရသေးတဲ့ပြောင်းခင်းကြီးတွေကို ထားပစ်ခဲ့ရ
မြေးမလေးရဲ့ဗလာစာအုပ်ထဲမှာ
အရုပ်တွေကို အနီရောင်ခြယ်ထားရဲ့
မြစ်ထဲမှာ
စစ်ပွဲရဲ့ရေစီးသံ။
အပြန်လမ်းက
တဘက်ကမ်းမှာကျန်ခဲ့ပြီ။ ။
၀၃၊ ဇန်နဝါရီ၊ ၂၀၁၁
Saturday, January 1, 2011
နှစ်သစ်
မနက်မိုးလင်းတော့
၂၀၁၀ ကအမူးတွေ
၂၀၁၁ ထဲပါလာတယ်၊
တကယ်က
၁၂ နာရီရဲ့ဟိုဘက်မှာ
ဘာမှ မထားပစ်ခဲ့နိုင်ဘူး၊
၁၂ နာရီရဲ့ဒီဘက်မှာလည်း
၁၂ ထပ်တိုက်ပေါ်က ခုန်မချရဲသေးဘူး။
9:15, 1, Jan. 2011
Maesod
Tuesday, May 4, 2010
စံပယ်ကြွေတဲ့ည
အရင်လိုမမွှေးမြတော့ဘူးရယ်၊
မိုးရေတွေမဟုတ်ဘူး
မျက်ရည်တွေပါကိုကို
အပွင့်လေးတွေဖြူသလောက်
အရွက်တွေဒီလောက်စိမ်းမယ် မထင်ခဲ့မိဘူး၊
သံယောဇဉ်ဆိုတာ
ဝေးသွားရင်ညှိးတတ်ခြောက်တတ်သတဲ့လား
အခုတော့ အဖူးလေးတွေပါ ကြွေ။ ။
Subscribe to:
Posts (Atom)