Thursday, November 11, 2021

နတ်သမီးပုံပြင်


အချစ်စစ်၏အနမ်းဖြင့်သာ နိုးထစေသတည်းတဲ့
ကိုယ့်ကျိန်စာနဲ့ကိုယ် ရင်ပြန်ကွဲခဲ့ရတယ်၊
အချစ်ကြောင့် အတောင်ပံတွေကို ဆုံးရှုံးခဲ့ရ
အမုန်းကြောင့် ကိုယ့်နှလုံးသားကိုကိုယ်ဆုံးရှုံးခဲ့ရ၊
သံမဏိပိုက်ကွန်ထဲကရုန်းထွက်သလို
အချစ်နဲ့အမုန်းက သူလွတ်မြောက်တဲ့အခါ
နှလုံးသားမှာ အတောင်ပံအသစ်တွေ ပြန်ရတယ်။
ဆူးစည်းရိုးတွေလည်းမလိုတော့ဘူး
လျှို့ဝှက်ထားအပ်တဲ့အလှတရားဆိုတာလည်းမရှိဘူး
ငါ့တိုင်းပြည် မင်းကိုအပ်ပါတယ်။
- - - - - - - - - - -
နှင်းခါးမိုး
၁၄၊ ဇန်နဝါရီ၊ ၂၀၂၀
#maleficent

No comments: