အရူးဆိုတဲ့သီချင်း

Boot and flower (pen ink drawing) by Vitogoni

စချင်တဲ့နေရာမှာစပြီး ဆုံးချင်တဲ့နေရာမှာဆုံးမယ်

အော်ချင်တဲ့အခါထအော်

နှစ်ကိုယ်ကြားလေးဖြစ်တဲ့အခါဖြစ်

ဘာပါလိမ့်လို့နားမစွင့်နဲ့ ဘာမှမဟုတ်ဘူး

ဒါပေမယ့် တဘဝလုံးစာ

နှစ်ခါပြန်မဆိုဘူး

နှစ်ယောက်ပြန်မဆိုဘူး

နောက်တနေရာရောက်ရင်နောက်တပုဒ်

နောက်တခါဆိုရင်နောက်တမျိုး

ခေါင်းစဉ်တခြား စာသားတခြား

ပါးစပ်ဆိုင်းနဲ့ ကကြိုးနဲ့

အငိုတွေအရယ်တွေနဲ့

ဒီသီချင်းသာမဆိုရရင်

ဒီအရူးကသေသွားမှာ။