ကြယ်လေးတွေက အမှောင်မှာတောက်ပနေတာလား
ကြယ်တွေနဲ့ဝေးလို့ ငါတို့က အမှောင်ထဲရောက်နေတာလား
အိပ်မပျော်တဲ့မျက်လုံးတွေနဲ့ ကြယ်ကလေးတွေကိုမင်းဖတ်နေသလား
သူတို့ဆီမှာ အတွေးအခေါ်တွေရှိတယ် သမိုင်းရာဇဝင်တွေရှိတယ် လျှို့ဝှက်ဆန်းကြယ်မှုတွေရှိတယ် ပြီးတော့ ရက်စက်တဲ့အလှတရားနဲ့ ခမ်းနားတဲ့အိပ်မက်တွေလည်းရှိတယ်
ဒါပေမယ့် မနက်ခင်းရဲ့နေရောင်ခြည်အောက်မှာ မင်းမျက်လုံးတွေကိုမင်းပြန်ရှာတွေ့ဖို့ဆိုရင်တော့
မင်းထိုင်နေတဲ့ခုံတန်းလျားလေးရဲ့ဘေးက သူ့အလှနဲ့သူ့ရနံ့ကို အမှောင်ထဲမှာမလုံ့တလုံဖွက်နေရှာတဲ့ အသံတိတ်တိတ်စံပယ်ပန်းလေးတွေကိုသာ
မင်းခေါင်းအုံးအောက် ယူသွားပါတော့ကွယ်။
