Saturday, August 14, 2021

တရေးနိုးအော်ပရာ

ဇူလိုင် ၃၊ ၂၀၁၉
- - - - - - - - - - - - - - - - - - 

ကမ္ဘာကြီးကိုကယ်တင်မယ်ဆိုတဲ့သူတွေကိုလည်း 
ကမ္ဘာကြီးပေါ်မှာမြှပ်နှံခဲ့ပြီးပြီ။

လူတယောက်အကြောင်း တခြားသူတွေပြောဖို့ပုံပြင်ဆိုတာ 
နှလုံးသားပေါ်ထွင်းရတဲ့ကျောက်စာ
သွေးစိမ်းရှင်ရှင်မထွက်ပဲ ဘာကဗ္ဗည်းမှမတင်ဘူး။

နေရောင်ရဲ့အကြေးခွံက
ပြတင်းပေါက်မှန်ပေါ်ကပ်ငြိနေတဲ့အခါ 
လရောင်ရဲ့ဆံနွယ်တမျှင်က 
အခန်းကျဉ်းကလေးထဲလွင့်ဝဲဝင်ရောက်လာတဲ့အခါ
ဘောင်းဘီအိတ်ထဲလက်နှိုက်ပြီး 
ငယ်ဘဝအကြွေစေ့တွေကိုစမ်းကြည့်မိဘူးပါသလား။

မြေကြီးအောက်က မြို့ကြီးတွေကိုမြင်ပြန်တော့
လူ့အဖြစ်ကို ချစ်ခဲ့မိတာ မဆန်းပါ။

- - - - - - - - - - - - -
နှင်းခါးမိုး

No comments: