ထောင်ထဲနှစ်ပတ်ထည့်လိုက်တော့ ဆဲဗင်းဇူလိုင်ကို
လူတွေက မေ့သွားရောလား
ထောင်တနှစ်ချလိုက်တော့ မင်းတို့နိုင်ငံတော်ကြီးက
ကြည်ညိုစရာကောင်းသွားရောလား
ကျနော်တို့ကိုဆေးထိုးသတ်မှာလား တဲ့ ဝင်းနဲ့ဇော်ဟာရှုံးခဲ့ပြီ။
တရားရုံးထဲမှာ တရားဟာ ရုန်းကန်အော်ဟစ်နေတယ်
စာမေးပွဲဖြေမယ့်ကျောင်းသားဟာ
အချုပ်ကားထဲမှာစာကျတ်နေတယ်
အလုပ်ပြုတ်သွားတဲ့အလုပ်သမားဟာ ဝန်ကြီးချုပ်အိမ်ရှေ့မှာ
ထိုင်ငိုက်နေတယ်။
မူးယစ်ဆေးဝါးတွေလည်း တကယ်ဖမ်းရော
မြန်မာ့စီးပွားရေးလည်းကျတာပဲ။
- - - - - - - - - - - - - - - -
နှင်းခါးမိုး
သြဂုတ် ၃၀၊ ၂၀၁၉
No comments:
Post a Comment