နှင်းဆီမွေ့ရာပေါ်မှာလည်း မျက်ရည်စက်တွေနဲ့
သံဆူးမွေ့ရာပေါ်မှာလည်း အိပ်မက်လှလှတွေနဲ့၊
ဘုရားအလောင်းကလည်း သူ့ဇာတ်ကြီးဆယ်ဘွဲ့နဲ့သူ
ဒေဝဒတ်ကလည်း သူ့အပေါင်းအပါနဲ့သူ။
ရေပိုက်ခေါင်းကိုဖွင့်လိုက်တော့ သီချင်းသံထွက်လာတယ်
ရေဒီယိုကိုဖွင့်လိုက်တော့ ဖာရုံထဲဝင်သွားတဲ့ ဘုရားလူကြီးထွက်လာတယ်၊
ခင်ဗျားဘာပြောချင်တာလဲဆိုတော့
ဘာမှမပြောချင်တော့ဘူးဆိုတာ ပြောချင်လို့ပါတဲ့
သေလိုက်၊ အခါတထောင်သေလိုက်
ကိုဗစ်ဖြစ်တုန်း ရောသေလိုက်။
နှင်းခါးမိုး
၁၂၊ အောက်တိုဘာ ၂၀၂၀
No comments:
Post a Comment