လမ်းရဲ့စတိုင်

ခြေရာတွေမှာ ဝေဒနာတွေ့တယ်

ဝေဒနာတွေမှာ ခြေရာတွေ့တယ်

မင်းတို့လိုရာရောက်ပါစေ။

မီးတိုင်လေးအောက်မှာ

အိမ်ရောက်အောင်တောင် မစောင့်နိုင်တော့တဲ့ ချာတိတ်ဟာ

သနပ်ခါးရနံ့နွေးနွေးနဲ့ စာတစောင်ကို ကတုန်ကယင်ထုတ်ဖတ်နေတယ်။

လျှောက်ခဲ့တာတော့ အဝေးကြီးပဲ

ရောက်ခဲ့တာလည်း အများကြီးပဲ

လေတွေတိုက်နေတဲ့ လမ်းပေါ်မှာ လွင့်လို့ကောင်းတုန်းလား လေလွင့်သူကြီး။

တောင်တန်းကြီးပေါ် တင်ငြိနေတဲ့အပ်ခြည်ကြိုးလေးတချောင်းကို ငေးကြည့်ရင်း

လူ့ဘဝတွေဟာ တခါတလေ လောင်းကြေးဖြစ်ခဲ့ဘူးတာ သတိရတယ်။

နှင်းခါးမိုး