မင်းကို သီချင်းဆိုပြချင်တယ်
လရောင်က ထောင်ချောက်ဆန်လွန်းလှချည့်
သူဟာသူ့အတိုင်းပဲ မနက်ခြောက်နာရီ၊
စကားလုံးတွေကလည်း မှန်ပုံးထဲထည့်ပြီး ဒလက်နဲ့အမွှေ့ခံနေရသလိုပဲ
ဒညင်းသီးတွေကို တောင်းထဲကသွန်ချလိုက်သလိုပဲ
ဖရဲခင်းကို လမ်းကြိတ်စက်ဝင်နင်းခိုင်းလိုက်သလိုပဲ
ငါ့အန်ဖတ်ထဲက ကြက်ဥမွှေကြော်တွေလိုပဲ၊
ငါကြားချင်တဲ့အသံကို ငါကြားတယ်
ငါမကြားချင်တဲ့အသံ ငါမကြားဘူး၊
ငါမြင်ချင်တာကို ငါမြင်တယ်
ငါမမြင်ချင်တာကို ငါမမြင်ဘူး၊
ငါ့ရွေးချယ်မှုမှာ
တခြားကမ္ဘာမရှိဘူး။
နှင်းခါးမိုး
၁၄၊ ဇွန် ၂၀၂၀
No comments:
Post a Comment