ငါ့မှာ လွှင့်စရာအလံမရှိဘူး
လူချင်းဝေးနေမှတော့
နှလုံးသားချင်းက ဘယ်လိုလုပ်နီးမလဲ
တချို့စကားလုံးတွေကပြောရတာချိုသလောက်
မြိုရတာ ခါးလွန်းတယ်။
အသက်ရှုလမ်းကြောင်းထဲဝင်သွားတဲ့ပိုးနဲ့
အစာအိမ်လမ်းကြောင်းထဲ ထကြွနေတဲ့ပိုး
ဘယ်ပိုးကိုအရင်သတ်ရမလဲ။
သမိုင်းမှာ ပိုးဖျက်လို့ပျက်တဲ့ပြည်မရှိဘူး
လူဖျက်လို့ ပျက်တဲ့ကမ္ဘာတွေပဲရှိတယ်။
အခုတော့ အိပ်ရာကနိုးတာနဲ့
အနံ့တခုခုကို အရင်ရှာရတာပဲ။
နှင်းခါးမိုး
၈၊ စက်တင်ဘာ ၂၀၂၃
No comments:
Post a Comment