နေ့ခင်းဘက်မှာ ပန်းကလေးရဲ့ရယ်သံကို ကြားရပြီး
ညဘက်မှာ ပန်းကလေးရဲ့ငိုသံကို ကြားရတယ်၊
ပန်းကလေးထဲကို အချစ်ထည့်တယ်
ပန်းကလေးထဲကို တရားထည့်တယ်
ပန်းကလေးထဲကို လောကကြီးထည့်တယ်
ပန်းကလေးထဲကို ဘဝထည့်တယ်၊
တစ်ယောက်ယောက်ကို မရည်ညွန်းဘူး
တစုံတရာကို ကိုယ်စားမပြုဘူး
နိမိတ်ပုံတစ်ခုလည်းမဟုတ်ဘူး
ပန်းကလေးဟာ ပန်းကလေးပဲ၊
ပွင့်ချိန်တန်လို့ပွင့်တာ
ဘယ်သူ့အတွက်မှမဟုတ်ဘူး
ကြွေချိန်တန်လို့ကြွေတာ
ဘာတရားမှမလိုဘူး၊
သံသရာကမဆန်းပြားပေမယ့်
ဒဏ်ရာကခမ်းနားလွန်းခဲ့တယ်။
နှင်းခါးမိုး
၂၈၊ မေ ၂၀၂၀
No comments:
Post a Comment