သစ်ရွက်ကလည်းအစစ်ပဲ
ငှက်ကလည်းအစစ်ပဲ
ငှက်အော်သံကလည်းအစစ်ပဲ
ကြည့်နေတဲ့ရုပ်ရှင်ထဲကအချစ်ကလည်း အစစ်ပဲ၊
ဘူဒါပက်တနင်္ဂနွေ
စန္ဒရားသံနောက်တကျော့တနင်္ဂနွေ၊
ပြန်လမ်းမဲ့တနင်္ဂနွေ၊
အမေရိကန်တွေဟာ
ကားရှေ့ခန်းမှာဓာတ်စက်ကြီးကိုတင်
အဲဒီတေးသွားကိုဖွင့်ရင်း
ကားကိုမြစ်ထဲမောင်းချသွားကြတယ် တဲ့၊
လူတိုင်းက
လိုချင်ခဲ့ကြတာပဲ
လူတိုင်းက
နာကျင်ခဲ့ကြတာပဲ။
နှင်းခါးမိုး
၃၁၊ မေ ၂၀၂၀
No comments:
Post a Comment